2022 ވަނަ އަހަރުން ފެށިގެން އެކި ގޮތްގޮތުން ދައުލަތަށް ލިބެންޖެހޭ 23.6 ބިލިޔަން ރުފިޔާ ނުލިބި އެބައޮތް ކަމަށް އޮޑިޓަރ ޖެނެރަލް ހުސެއިން ނިޔާޒީ ވިދާޅުވެއްޖެއެވެ.
ބަޖެޓް ކޮމިޓީގެ މިއަދުގެ ބައްދަލުވުމުގައި، ސަރުކާރުން ރައްޔިތުންގެ މަޖިލީހަށް ހުށަހަޅާފައިވާ 2025 ވަނައަހަރުގެ ދައުލަތުގެ ބަޖެޓާ ބެހޭގޮތުން ވާހަކަ ދައްކަވަމުން އޮޑިޓަރ ޖެނެރަލް ވިދާޅުވީ، މޯލްޑިވްސް އިންލެންޑް ރެވެނިއު އޮތޯރިޓީ (މީރާ)ގެ ހިސާބު ތަކުން ދައްކާ ގޮތުގައި، 2022 ވަނަ އަހަރު 5.9 ބުލިޔަން ރުފިޔާ، 2023 ވަނަ އަހަރުގެ ޖޫންމަހުގެ ނިޔަލަށް 7.7 ބިލިޔަން ރުފިޔާ އަދި މިއަހަރުގެ ޖޫން މަހުގެ ނިޔަލަށް 10 ބިިޔަން ރުފިހާ ދައުލަތަށް ނުލިބިވާ ކަމަށެވެ.
ނިޔާޒީ ވިދާޅުވީ، އެ އަދަދު 1 އަހަރުން އަނެއް އަހަރަށް އިތުރު ވަަމުންދާ ކަމަށެވެ. ފައިސާ ނުހޯދިވާ މައިގަނޑޫ ސަބަބަކީ ޤާނޫނު ތަންފީޒު ކުރަން މީރާއަށް ހުރި ގޮންޖެހުންތައް ކަމަށެވެ.
"އެކަން އެންފޯސްކ ުރަން ބަލާއިރު މީރާއަށް ޤާނޫނީ ގޮތުން، ނޫނީ އިދާރީ ގޮތުން ލިބޭ ބާރުތައް ހަނިވެފަ ވުމާއި މިކަހަލަ ގޮންޖެހުންތަކާހެދި، އެންފޯސްމަންޓްގެ ތެރެއިން ދޫވެގެންދާ ބައިތައް މީގެތެރޭގައި ވަރަށްބޮޑަށް ހިމެނިގެންދޭ" ނިޔާޒީ ވިދާޅުވިއެވެ.
އޭނާ ވިދާޅުވީ އެކަންތައްތައް ހައްލު ކުރުމަށް، ޤާނޫނީ ގޮތުން މީރާއަށް ބާރު ދޭންޖެހެ ކަމަށެވެ.
"ޤާނޫނު ތަކަށް ބަދަލު ގެނެސްގެން ވިޔަސް ރެގިއުލޭޝަންތައް ބަދަލުކޮށްގެން ވިޔަސް ކޮމްޕްލެއިން ކުރެވޭނެ ގޮތްވާންޖެހޭ،" އޭނާ ވިދާޅުވިއެވެ.
