އަންނަ 2025 ވަނަ އަހަރަށް ލަފާކުރާ ދައުލަތުގެ ބަޖެޓު އަންނަ ބުރާސްފަތި ދުވަހު ރައްޔިތުންގެ މަޖިލީހަށް ހުށަހަޅަން ނިންމައިފި އެވެ.
ސަރުކާރުން މަޖިލީހަށް ހުށަހަޅާފައިވާ ޓެކްސް ބިލްތައް ދިރާސާ ކުރުމަށް އެކުލަވައިލި، މާލިއްޔަތު ކޮމެޓީ އާއި އިގްތިސޯދީ ކޮމެޓީހިމެނޭ ސަބްކޮމެޓީގެ ބައްދަލުވުމުގައި މިއަދު ވާހަކަ ދައްކަވަމުން މަޖިލީހުގެ ނައިބު ރައީސް، އަދި ދިއްގަރު ދާއިރާގެ މެންބަރު އަހްމަދު ނާޒިމް ވިދާޅުވީ ބަޖެޓު ހުށަހަޅާ ޖަލްސާ އަންނަ ބުރާސްފަތި ދުވަހު ބާއްވަން ނިންމާފައިވާ ކަމަށެވެ.
ނާޒިމް ވިދާޅުވީ ބުރާސްފަތި ދުވަހު މަޖިލީހަށް ބަޖެޓް ހުށަހެޅުމުގެކުރިން ޓެކްސް ބޮޑުކޮށްގެން އާމްދަނީ ލިބޭ މެންބަރު ކަނޑައަޅަންޖެހޭ ކަމަށެވެ. އެ މިނިްވަރު ބަޖެޓްގައި ހިމަނަންޖެހޭ ކަމަށްވެސް އޭނާ ވިދާޅުވިއެވެ. އެހެންކަމުން މަޖިލީހަށް ބަޖެޓް ހުށަހެޅުމުގެކުރިން ޓެކްސް ބިލްތައް ނިންމަންޖެހޭ ކަމަށްވެސް އޭނާ ވިދާޅުވިއެވެ.
"2025 ވަނަ އަހަރުގެ ގައުމީ ބަޖެޓު ލިބޭނެ ކަމަށް މި ބަލަނީ ކުރިއަށް މި އޮތް ދެ ދުވަހެއްގެ ތެރޭ، ބަޖެޓު ހުށަހަޅާ ޖަލްސާ އަންނަ ބުރާސްފަތި ދުވަހު ބާއްވާ ގޮތަށް ނިންމާފައިވަނީ މަޖިލީހުގެ ރައީސް، އެގޮތަށް އަމީންއާންމު އަޅުގަނޑަށް މައުލޫމާތު ދީފައި ވަނީ ރޭގައި،" ނާޒިމް ވިދާޅުވި އެވެ.
ބުރާސްފަތި ދުވަހު ބަޖެޓު ހުށަހެޅުން ތައްޔާރުވަމުން އަންނައިރު، ޓެކްސާއާ ގުޅުންހުރި ހަތަރު ބިލެއް ކޮމެޓީ މަރުހަލާގައި އެ ކިމިޓީން ވަނީ ދިރާސާ ކުރަން ފަށައިފައެވެ.
