ދެ ލޯންޗެއް ޖެހި ރޭ ހިނގި ނުރައްކާތެރި އެކްސިޑެންޓުގައި އަނިޔާވި ދެ މީހަކަށް އައިޖީއެމްއެޗްގެ އެމަޖެންސީގައި ފަރުވާ ދެމުން އަންނަ ކަމަށް އެ ހޮސްޕިޓަލުން ބުނެފިއެވެ.

ފުލުހުން ރޭ ބުނި ގޮތުގައި އެ އެކްސިޑެންޓުގެ ރިޕޯޓް ލިބިފައިވަނީ ރޭ 7:34 އެހާކަންހާއިރުއެވެ. އެ އެކްސިޑެންޓް ހިނގާފައިވަނީ ގުޅިފަޅު ކައިރިން ދެ ލޯންޗު ޖެހިގެން ކަމަށެވެ.

އަނިޔާވީ 12 މީހަކަށް ކަމުގައި ފުލުހުން ރޭ ބުނިނަމަވެސް، އައިޖީއެމްއެޗުން މިއަދު ބުނީ އެ ހާދިސާގައި 20 މީހަކު ހޮސްޕިޓަލަށް ގެނެސް ފަރުވާ ދީފައިވާ ކަމަށެވެ. އޭގެ ތެރެއިން ދެ މީހަކަށް މިހާރުވެސް އެމެޖެންސީގައި ފަރުވާ ދެމުންދާ ކަމަށެވެ. ނަމަވެސް އެމީހުންނަށް ލިބިފައިވާ އަނިޔާގެ ތަފްސީލުތަކެއް ހާމައެއް ނުކުރެއެވެ.

ފަރުވާ ދިނުމަށްފަހު 18 މީހަކު މިހާރު ދޫކޮށްލާފައިވާ ކަމަށްވެސް އައިޖީއެމްއެޗުން ބުންޏެވެ.