ވައްކަމުގެ މައްސަލައެއްގެ ތަހުގީގަށް ޗިޓު ހަވާލު ނުކުރެވިގެން ޕޮލިހަށް ހާޒިރުވާން މީހަކަށް އަންނައި އޭނާގެ ވަނަވަރު ފުލުހުން ހާމަކޮށްފިއެވެ.

އެ މައްސަލައިގައި ވަނަވަރު ހާމަކޮށްފައި ވަނީ ޏ. ފުވައްމުލައް ސިޓީ، މިސްކިތްމަގު، ކެމީ ގޭގެ، އުމުރުން 37 އަހަރުގެ އަހްމަދު ޝަފްރާޒްގެ އެވެ.

ފުލުހުން ބުނެފައި ވަނީ ފުވައްމުލަކު ސިޓީ ފޮލިހުން ތަހުގީގު ކުރަމުންދާ، ވައްކަމުގެ މައްސަލައެއްގެ ތަހުގީގަށް މީހަކު ހާޒިރުކުރުމަށް ބޭނުންވެ، އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓު ރައްދުކުރެވިފައި ނުވާތީ، ޖިނާއީ މައްސަލަތައް ތަހުގީގުކުރުމުގައި ފުލުހުން އަމަލުކުރާނެ އިޖުރާއަތުގެ ގަވާއިދުގެ 27 ވަނަ މާއްދާގައިވާ ގޮތުގެމަތިން ތަހުގީގަށް ހާޒިރުވުމަށް އަންގައި އިއުލާނުކުރާކަމަށެވެ.

ފުލުހުން ބުނެފައިވަނީ މައްސަލައިގެ ތަހުގީގަށް ފުވައްމުލައް ސިޓީ ޕޮލިހަށް މި މަހުގެ 25 ވަނަ ދުވަހުގެ 01:00 އަށް ހާޒިރުވާން އަންގާ ކަމަށެވެ.