މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމް.އޭ.ސީ.އެލް) ގެ މުވައްޒަފުންގެ ތެރެއިން މިއަހަރު އެ ކުންފުނީގެ ޚަރަދުގައި ހައްޖަށް ފޮނުވަން ހޮވުނު 10 މުވައްޒަފުންނަށް ޙައްޖު ދަތުރު ލިބުނު ކަމުގެ ލިޔުން ހަވާލު ކޮށްފިއެވެ.
އެކަމަށްޓަކައި ބޭއްވި ޚާއްސަ ރަސްމިއްޔާތެއްގައި، ހައްޖު ދަތުރު ލިބުނު 10 މުވައްޒަފުންނާ ލިޔުން ހަވާލު ކޮށްދެއްވީ ކުންފުނީގެ ސީއީއޯ އަދި މެނޭޖިންގ ޑައިރެކްޓަރ އިބްރާހިމް ޝަރީފް މުޙަންމަދުއެވެ.
ލިޔުން ހަވާލުކޮށް ދެއްވުމަށްފަހު ވާހަކަ ދައްކަވަމުން ޝަރީފް ވިދާޅުވީ، ހައްޖު ދަތުރު ލިބުނު މުވައްޒަފުންނަށް މަރުޙަބާ ދަންނަވާ ކަމަށާއި، އަދި އެ ބޭފުޅުންނަށް މަބުރޫރު ހައްޖެއް ލިބުން އެދިވަޑައިގަންނަވާ ކަމުގައި ވިދާޅުވިއެވެ.
