ސަރުކާރުގެ މައި ހޮސްޕިޓަލު އައިޖީއެމްއެޗްގައި ހުރި ކާބަންޑާ އޮކްސައިޑްގެ ސްޓޮކް ހުސްވާތީ، ބައެއް ސާޖަރީތައް މެދުކަނޑާލާފައިވާކަމަށް ބުނާ މައްސަލާގައި އެ ހޮސްޕިޓަލުން މީޑިއާގައި މައުލޫމަތު ދޭން ބޭނުންވިއެވެ.
ކާބަންޑައި އޮކްސައިޑުގެ ސްޓޮކް މަދުވާތީ، ރޫޓިން ލެޕަރޮސްކޮޕް ސާޖަރީތައް ނުވަތަ ބަނޑުގައި ލޯވަޅު އަޅައިގެން ކެމެރާ ލައްވައިގެން ކުރާ ސާޖަރީތައް މިހާރު ވަނީ ހުއްޓާލައިފައެވެ. މި ވަގުތަށް ހުރި ކާބަންޑައި އޮކްސައިޑް ބޭނުންކުރަނީ ކުއްލި ހާލަތްތަކުގައި ހަދާ ލެޕަރޮސްކޮޕިކް ސާޖަރީތަކަށެވެ.
އެނގިފައިވަ ގޮތުގައި އެ ހޮސްޕިޓަލުން މިހާރު ކާބަންޑައި އޮކްސައިޑް ބޭނުން ކުރަނީ އިމަޖެންސީގައި ކުރަންޖެހޭ ސާޖަރީތަކަށް އެކަންޏެވެ.
ކާބަންޑައި އޮކްސައިޑްގެ ސްޓޮކް މަދުވުމުން ބައެއް ސާޖަރީތައް މެދުކަނޑާލާފައިވާކަމަށް ބުނާ މައްސަލާގައި، އެ ހޮސްޕިޓަލަށް ގުޅުމުން މީޑިއާ އޮފިޝަލް ވިދާޅުވީ އެކަން ބަލަމުން އަންނަ ކަމަށެވެ. އަދި މައުލޫމާތު ސާފުވުމުން އެ މައުލޫމާތު ހިއްސާކުރާނެކަމަށް މީޑިއާ އޮފިޝަލް ވިދާޅުވިއެވެ.
ބަނޑުގައި ލޯވަޅު އަޅައިގެން ކުރާ އޮޕަރޭޝަންތަކުގެ ތެރޭގައި ގޯލްބްލެޑާ އާއި އެޕެންޑިކްސް އަދި ކުދިކުދި ޓިއުމަރު ނެގުން ހިމެނެ އެވެ. އެފަދަ އޮޕަރޭޝަންތައް ކުރާއިރު، ހަށިގަނޑަށް ކާބަންޑައިއޮކްސައިޑް ފޮނުވަނީ ވެސް ރިސްކް ކުޑަކުރުމަށެވެ. އެފަހަރު އެ ހޮސްޕިޓަލުން ބުނީ ބައެއް ކަހަލަ މެޝިނަރީއާއި ބައެއް ތަކެތި ހޯދުމުގައި އަމަލުކުރަން ޖެހޭ އުސޫލުތަކެއް ހުންނާތީ، އެތަކެތި ވަގުތުން ހޯދުމުގައި ދަތިތަކެއް ހުންނަކަމަށެވެ.
ބައެއް މީޑިއާތަކަށް މައުލޫމާތު ދެމުން އައިޖީއެމްޗުން ބުނީ އެ ހޮސްޕިޓަލަށް ގޭސް ސަޕްލައިކޮށްދެނީ އެސްޓީއޯ އިން ކަމަށާއި ގޭސް ނުލިބެނީ އެކޮޅުން ޑެލިވާކުރުމުގައި ލަސްތަކެއް އުޅޭތީ ކަމަށެވެ.
