ބޭންކް އޮފް މޯލްޑިވްސް އިން ރަހުނަކާ ނުލާ ދުކުރާ ލޯނާއި ފައިނޭންސިންގ ޕްރޮޑަކްޓްތަކަށް ބަދަލު ގެނެސްފިއެވެ. މިގޮތުން މި ގެނައި ބަދަލާއެކު ބޭންކުންވަނީ ރަހުނަކާ ނުލާ 1.2 މިލިއަނާ ހަމަޔަށް ލޯން ނެގޭގޮތަށް ހަމަޖައްސާފައެވެ.
ބޭންކުން ހާމަ ކޮށްފައިވާ ގޮތުގައި، މިއަދުން ފެށިގެން، އަމިއްލަ އެކި ބޭނުންތަކަށް ނަގާ ލޯނުތައް އެއްކޮށްލެވި ލޯނު ދޫކުރަމުންދާނީ 'ބީއެމްއެލް ލުއި ލޯނު' ގެ ގޮތުގައެވެ. މިގޮތުން ބީއެމްއެލް އިސްލާމިކް ޕަރސަނަލް ފައިނޭންސިންގ މެދުވެރިކޮށް ކަސްޓަމަރުންނަށް 1.2 މިލިއަނާ ހަމަޔަށް މުދާ ގަތުމަށް ނުވަތަ ނަގުދު ފައިސާ ލިބޭ ގޮތަށް ފައިނޭންސިންގ ދޫކުރާނެކަމަށް ބޭންކުން ބުނެފައި ވެއެވެ.
ބޭންކުން އިތުރަށް ހާމަ ކޮށްފައިވާ ގޮތުގައި، މި ބަދަލާއެކު، ބޭންކުން މިހާރު ލުއި ލޯނު ދިނުމާއި ޕަރސަނަލް ފައިނޭންސިންގ ދޫކުރާއިރު މުސާރައިގެ އިތުރުން ލިބޭ އެހެނިހެން އާމްދަނީ އަށްވެސް ބަލާނެއެވެ.
އަޅުގަނޑުމެންގެ ޕޯޓްފޯލިއޯ އަށް މިގެނެވުނު ބަދަލާއެކު ކަސްޓަމަރުންނަށް އަމިއްލަ ބޭނުންތަކަށް، އެއީ ކޮންމެ ބޭނުމެއް ކަމުގައިވީ ނަމަވެސް ބޮޑު އަދަދެއްގެ ފައިސާ ހޯދުމަށް އެދި ހުށަހެޅުމުގެ ފުރުސަތު މިވަނީ ފަހިވެފަ. ބީއެމްއެލް އަކީ ދިވެހިން ހިޔާރުކުރާ ބޭންކަށްވީ ހިނދު، ކަސްޓަމަރުން ބޭނުންވާފަދަ އަދި އުންމީދު ކުރާ ފެންވަރަށްވުރެ ރަނގަޅު ހިދުމަތެއް ދިނުމަށް ނުހަނު ބުރަކޮށް މަސައްކަތް ކުރަމުންދާނަން.
މިގެނައި ބަދަލާއި ގުޅޭ ގޮތުން ބީއެމްއެލްގެ ސީއީއޯ އަދި މެނޭޖިންގ ޑައިރެކްޓަރ ކާރލް ސްޓުމްކައާއި ހަވާލާދީ ބޭންކުން ބުނެފައިވެއެވެ.
ބީއެމްއެލްއިން ހާމަ ކޮށްފައިވާ ގޮތުގައި، އިންޓަރނެޓް އަދި މޯބައިލް ބޭންކިންގ މެދުވެރިކޮށް ލުއި ލޯނު އަދި ޕަރސަނަލް ފައިނޭންސިންގ އަށްވެސް ހުށަހެޅޭނެއެވެ. މިގޮތުން ހުށަހަޅާ އެޕްލިކޭޝަންތައް 5 ދުވަސް ތެރޭ ޕްރޮސެސް ކުރާނެކަމަށްވެސް ބޭންކުން ބުނެފައި ވެއެވެ.
