އިންޑިއާގެ އެފްކޮންސްއާ ޙަވާލުކޮށްގެން ކުރިއަށްގެންދާ ތިލަމާލެ ބްރިޖާމެދު އޮތް އިތުބާރު މިދަނީ ދުވަހެއް ދުވަހަކަށް ދަށަށްކަމަށް ވިދާޅުވެ މަޝްހޫރު ދީނީ ޢިލްމުވެރިޔާ އައަޝައިޚް އަލީ ޒައިދު ކަންބޮޑުވުން ފާޅުކުރައްވައިފިއެވެ.
ގުޅީ ފަޅުގައި ހުންނަ، ވިލިމާލެ ބުރިޖް އެޅުމުގެ މަސައްކަތް ކުރަނުންދާ އިންޑިއާގެ އެފްކޮންސް ކުންފުނީގެ އެކޮމޮޑޭޝަން ބްލޮކްގައި އިއްޔެރޭ ރޯވެ ހިނގި އަލިފާނުގެ ހާދިސާއާއި ގުޅިގެން 73 މީހަކަށް ހޮސްޕިޓަލްގައި ފަރިވާ ދޭންޖެހުނެވެ. މިޙާދިސާއާ ގުޅިގެން ކުރެއްވި ޓްވީޓެއްގައި ޢަލީ ޒައިދު ވިދާޅުވެފައި ވަނީ އަލިފާނުގެ ޙާދިސާ ހިނގައި ހާނީއްކަވި ބްރިޖް އަޅަން މަސައްކަތްކުރާމުންދާ އެފްކޮން މުވައްޒަފުންނަށް އަވަސް ޝިފާއަކަށް އެދޭކަމަށެވެ. އަދި ކެތްތެރިކަމަށްވެސް އެދޭކަމަށެވެ.
އެހެންނަމަވެސް ބްރިޖާމެދު އޮތް އިތުބާރު މިދަނީދުވަހެއް ދުވަހަކަށް ދަށަށްކަމަށާ، އެފްކޮންގެ ގާބިލިއްޔަތާމެދު ސުވާލު ޢާންމުންގެ ހިތްތަކުގައި ވަރަށްބޮޑަށް އެބައޮތްކަމަށެވެ.
ޝައިޚް ޢަލީ ޒައިދަކީ ދީނީ ކަންކަމުގެ އިތުރުން މުޖުތަމައުގައި ހިނގާ އިޖުތިމާޢ،ީ ސިޔާސީ ކަންކަމާ ގުޅޭގޮތުން ވާހަކަފުޅުދައްކަވާ ބޭފުޅެކެވެ. އަދި ސޯޝަލް މީޑިއާގައި ޙަރަކާތްތެރި ބޭފުޅެވެ. އޭނާގެ އިތުރުންވެސް އެތައްބަޔަކު އަންނަނީ ތިލަމާލެ ބްރިޖާ ގުޅިގެން ހިނގާ އެކިއެކި ޙާދިސާތަކާމެދު ކަންބޮޑުވުން ފާޅުކޮށް އެބްރިޖުގެ މަސައްކަތްކުރާ އެފްކޮންސްގެ ޤާބިުލްކަމާމެދު ސުވާލު އުފައްދަމުންނެވެ.
އަލިފާނުގެ ޙާދިސާ ހިނގައި ބްރިޖް އަޅަން މަސައްކަތްކުރާމުންދާ އެފްކޮން މުވައްޒަފުންނަށް އަވަސް ޝިފާއަކަށް އެދެން! އަދި ކެތްތެރިކަމަށް އެދެން!
ނަމަވެސް ބްރިޖާމެދު އޮތް އިތުބާރު މިދަނީދުވަހެއް ދުވަހަކަށް ދަށަށް! އެފްކޮންގެ ގާބިލިއްޔަތާމެދު ސުވާލު ޢާންމުންގެ ހިތްތަކުގައި ވ އެބައޮތް!
— Ali Zaid (@alizaid1000) December 16, 2022
އެފްކޮންސްއިން ވިލިމާލެ ބުރިޖް އަޅަމުން ދާއިރު މި މަސައްކަތުގައި މިހާތަނަށް ނުރައްކާތެރި ގިނަ ހާދިސާތަކެއް ވަނީ ހިގައިގެން ގޮސްފައެވެ. އޭގެ ތެރޭގައި ބްރިޖް އަޅަން ބޭނުންކުރާ ޕްލެޓްފޯމް ވިލިމާލެ ފަރަށް އެރުމާއި، ބުރިޖްގެ ތަނބުތައް ޖަހަން ބޭނުންކުރި ކެރޭނެއް ބިންދައިގެން ދިއުންވެސް ހިމެނެއެވެ.
ބްރިޖް ޕްލެޓްފޯމް ވިލިމާލެ ފަރަށް އެރުމާއި ގުޅިގެން އީޕީއޭއިން މިހާރުވަނީ އެފްކޮސްން ބޮޑު އަދަދަކުން ޖޫރިމަނާވެސް ކޮށްފައެވެ.
