ޕާކިސްތާނުގެ މަޝްހޫރު އެކްޓްރެސް މާހިރާ ޚާނަށް އިންޑިއާގެ މުނިފޫހިފިލުވުމުގެ ދާއިރާއިން އަނެއްކާވެސް ފުރުސަތު ލިބިއްޖެއެވެ.

މާހިރާ އެނބުރި އިންޑިއާއަށް މި ދަނީ އޭނާ އެންމެ ފަހުގެ ބޮލީވުޑް ފިލްްމު 2017ގެ ފިލްމު "ރައީސް"އަށް ފަހު ފުރަތަމަ ފަހަރަށެވެ.

އެ ފިލްމަކި އުންމީދު ކުރި ވަރުގެ ތަރުހީބެއް ލިބިގެން ދިއަ ފިލްމެއް ނޫނެވެ. ފިލްމުގެ ލީޑުން ފެނިގެންދިޔައީ މާހިރާ އާއެކުގައި ޝާހްރުކް ޚާނެވެ. ނަމަވެސް އެދުވަސްކޮޅު އިންޑިއާ އާއި ޕާކިސްތާނުން ކަޝްމީރުގެ ބޯޑަރުގައި ހިންގި ހަމަ ނުޖެހުން ތަކާއެކު ބޮލީވުޑްގައި ތިބި ހުރިހާ ޕާކިސްތާނު ތަރިން އަނބުރާ ފޮނުވާލީއެވެ. މިކަމުގެ ސަބަބުން އެންމެ އެދެވޭ ގޮތުގައި ފިލްމްގެ ޕްރޮމޯޝަންތައް ވެސް ކުރިއަކަށް ނުގެންދެވުނެވެ.

މާހިރާ އިންޑިއާއަށް ދަނީ އޭނާގެ ޑްރާމާ ސީރީޒް "ސާދިގީ ހުމްހާރޭ" އާއި އެކުގައެވެ. މި ސީރީޒަކީ އިންޑިއާގެ ރައްޔިތުންނަށް ބަލައިގަނެވޭނެ ޑްރާމާއެކެވެ.
މި ޑްރާމާ ބިނާކޮށްފައިވަނީ 1980ގެ ލޯބީގެ ވާހަކައެއްގެ މައްޗަށެވެ. ޑްރާމާ ދައްކާނީ ޒީ ޓީވީންނެވެ.