އެމެރިކާގެ އެންމެ އާބާދީ ބޮޑު އަދި މަޝްހޫރު އެއް ސްޓޭޓް ކަމަށްވާ ކެލިފޯނިއާ ގެ ނަމަކީ އިސްލާމީ އަދި އަރަބި ބަހުގެ ނަމަކުން އުފެދިފައިވާ ނަމެއް ކަމަށް ތާރީޚު ދިރާސާކުރައްވާ ގިނަ މުއައްރިޚުން އިއްތިފާގުވެއެވެ.
ތާރީޚީ ލިޔުންތަކުން އެނގޭ ގޮތުގައި "ކެލިފޯނިއާ" މި ނަން ނެގިފައިވަނީ 16 ވަނަ ގަރުނުގައި ސްޕޭންގެ ލިޔުންތެރިއެއް ކަމަށްވާ ގާސީ ރޮޑްރިގޭޒް ދެ މޮންޓާލްވޯ ލިޔެފައިވާ "ލަސް ސޭގަސް ދެ އެސްޕްލަންޑިއާން" ނަމަކަށް ކިޔާ ޚިޔާލީ ވާހަކަފޮތަކުންނެވެ.
މި ވާހަކައިގައި ސިފަކޮށްފައިވަނީ ރަންމުތުން ފުރިގެންވާ، "ކެލިފޯނިއާ" ކިޔާ ޖަޒީރާއެކެވެ. އަދި އެ ޖަޒީރާގެ ރާނީގެ ގޮތުގައި އުޅުއްވަނީ "ކަލަފިއާ"ނަމަކަށް ކިޔާ ނުހަނު ކެރޭ، ހިތްވަރުގަދަ ރާނީއެކެވެ.
އިލްމުވެރިންނާއި ތާރީޚު ދިރާސާކުރާ ފަރާތްތަކުން ފާހަގަކުރާ ގޮތުގައި، ވާހަކަލިޔުންތެރިޔާ "ކަލަފިއާ" އަދި "ކެލިފޯނިއާ" މި ނަންތައް އުފެއްދުމަށް ބޭނުންކޮށްފައިވަނީ އަރަބި ބަހުގެ "ޚަލީފާ" މި ބަހެވެ.
* ޚަލީފާ: އިސްލާމީ އުންމަތުގެ ވެރިޔާ ނުވަތަ އިސް މާލިކު.
* ސްޕެނިޝް ބަހުން މި ބަސް ބަދަލުވެގެން ދިޔައީ "Califa" އަށެވެ.
* އެހެންކަމުން "California" ގެ މާނައަކީ *"ޚަލީފާގެ ބިން" (Land of the Caliph)* އެވެ.
16 ވަނަ ގަރުނުގެ ތެރޭގައި ސްޕޭންގެ އެކްސްޕްލޯރާއިން އެމެރިކާގެ ހުޅަނގު އައްސޭރިއަށް ފުރަތަމަ ފޯރިއިރު، އެމީހުންނަށް ފެނުނު ސަރަހައްދަކީ (މިހާރުގެ ކެލިފޯނިއާ) ވާހަކައިގައި ސިފަކޮށްފައިވާ ފަދަ ރީތި ޖަޒީރާއެއް ކަމަށް ހީކުރެވުނެވެ. އެއާއެކު، އެމީހުން ކިޔައި އުޅުނު މަޝްހޫރު ވާހަކައިގައިވާ "ކެލިފޯނިއާ" ގެ ނަމުން އެ ބިމަށް ނަންދިނެވެ.
މިއަދު ކެލިފޯނިއާއަކީ އެމެރިކާގެ އިގްތިސާދީ އަދި ސަގާފީ އެންމެ ބޮޑު އެއް މަރުކަޒު ކަމުގައިވާއިރު، އެ ސްޓޭޓުގެ ނަމުގެ ފަހަތުގައި އިސްލާމީ ތާރީޚާއި ބަހުގެ ފުން ގުޅުމެއްވުމަކީ ގިނަ ބަޔަކަށް އެނގިފައިނުވާ އަޖައިބުުރުވަނިވި ހަގީގަތެކެވެ.
