ސައުދީ އަރަބިއްޔާގެ މަރުކަޒީ ބޭންކް، ސައުދީ އަރަބިއަން މަނިޓަރީ އޮތޯރިޓީ (ސާމާ) ގެ ރިޒާވް އެސެޓްސް ފާއިތުވި 6 އަހަރު ދުވަހުގެ ތެރޭގައި ނުދާހާ މައްޗަށް ގޮސްފިއެވެ.
އެންމެ ފަހުގެ ތަފާސްހިސާބުތައް ދައްކާގޮތުން، 2026 ވަނަ އަހަރުގެ މާރިޗު މަހުގެ ނިޔަލަށް ސާމާގެ ރިޒާވް އެސެޓްސް ވަނީ 1.86 ޓްރިލިއަން ސައުދީ ރިޔާލް (ގާތްގަނޑަކަށް 496 ބިލިއަން އެމެރިކާ ޑޮލަރު) އަށް އަރާފައެވެ.
މިއީ ފާއިތުވި އަހަރުގެ މި މުއްދަތާ އަޅާބަލާއިރު (އަހަރުން އަހަރަށް ބަލާއިރު) 9.4 އިންސައްތައިގެ ބޮޑު ކުރިއެރުމެކެވެ.
މި މުހިންމު ކުރިއެރުމުން ދައްކުވައިދެނީ ސައުދީ އަރަބިއްޔާގެ އިޤްތިޞާދީ އަދި މާލީ ހާލަތު އިތުރަށް ހަރުދަނާވަމުން އަންނަ ކަމެވެ. އަދި މިއީ ތެލަށް ބަރޯސާވާ މިންވަރު ކުޑަކޮށް، އެ ޤައުމުގެ އިޤްތިޞާދު ސިންދަފާތުކުރުމަށް ކަނޑައަޅާފައިވާ 'ވިޝަން 2030′ ގެ އަމާޒުތަކަށް ވާސިލުވުމަށް ލިބިގެންދާނެ ވަރަށް ބޮޑު ބާރެއް ކަމަށް އިޤްތިޞާދީ މާހިރުން ދެކެއެވެ.
