ކުރީގެ ރައީސް އިބްރާހީމް މުހައްމަދު ސޯލިހު، ފޯޅަވަހީގެ މައްސަލައިގައި މޮރިޝަސްގެ ބޮޑުވަޒީރަށް ފޮނުއްވި ސިޓީ އަނބުރައި ގެންނަން ނިންމާފައިވާ ކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު މިއަދު ވިދާޅުވެއްޖެއެވެ.

މިހާރު ރައްޔިތުންގެ މަޖިލީހުގައި ކުރިއަށްދާ މި އަހަރުގެ ރިޔާސީ ބަޔާން އިއްވާ ޖަލްސާގައި ރައީސް ވިދާޅުވީ، ފޯޅަވަހީގެ ތާރީޚެއް ރާއްޖެއަށް އޮތް ކަމަށާއި، އެއީ އޭރުވެސް މިހާރުވެސް ދިވެހީން މަހަށް ނުކުމެ އުޅުނު ސަރަހައްދެއް ކަމަށެވެ.

ރައީސް ވިދާޅުވީ، ފޯޅަވަހި މޮރިޝަސްއަށް ދިނުމާ ދެކޮޅަށް ރާއްޖޭން ހުސްވި މަހުގެ 18 ވަނަ ދުވަހު އިނގިރޭސިވިލާތަށް އިއުތިރާޒު ހުށަހަޅައިފައިވާނެ ކަމަށެވެ.