ވެރިން ރައްޔިތުންނަށް ކަންކަން ކޮށްދިނުމަށްފަހު ކަލަގޮވުމަކީ ވަރަށް ވިޔާނުދާ ކަމެއް ކަމުގައި ކުރީގެ ރައީސް މައުމޫން އަބްދުލްގަތްޔޫމް ވިދާޅުވެއްޖެއެވެ.
ވަކިބޭފުޅެއްގެ ނަން ފާހަގަ ނުކުރައްވައި މައުމޫން އެކްސްގައި ކުރެއްވި ވަރަށް ކުރު ޕޯސްޓެއްގައި ވިދާޅުވީ، ކަލަގޮވުމަކީ ވަރަށް ވިޔާނުދާ ކަމެއް ކަމަށެވެ. ވަކިން ޚާއްސަކޮށް ގައުމުތަކުގެ ވެރިން ރައްޔިތުންނަށް ކަންކަން ކޮށްދިނުމަށްފަހު ކަލަގޮވުމަކީ ވަރަށް ދެރަކަމެއް ކަމަށް ވިދާޅުވިއެވެ.
"ކަލަގޮވުމަކީ ވަރަށް ވިޔާނުދާ ކަމެއް. އަމުދުން ޤައުމުތަކުގެ ވެރިން އެކަން ކުރެއްވުމަކީ ވަރަށް ދެރަ ކަމެއް." މައުމޫން ވިދާޅުވިއެވެ.
މައުމޫން މިފަދައިން މި ވިދާޅުވީ ކޮން ގައުމެއްގެ ކޮން ރައީސަކަށް ނިސްބަތްކޮށްކަން ޔަގީނެއްނޫނެވެ. ނަމަވެސް މި ކަމަކީ ރާއްޖޭގައިވެސް ވަރަށް އާންމުވެފައިވާކަމެއްކަން ފާހަގަ ކުރެވެއެވެ.
