އެކުވެރި ދައުލަތްތަކުގެ ކޮމިޝަން އޮން ދި ސްޓޭޓަސް އޮފް ވިމެންގެ މެންބަރުކަމަށް ރާއްޖެ އިންތިހާބުވުމަކީ ލިބުނު ފަހުރެއްކަމަށް ރައީސްޑރ. މުހައްމަދު މުއިއްޒު ވިދާޅުވެއްޖެ އެވެ.
އެމަނިކުފާނު މިހެން ވިދާޅުވީ 2026 އިން 2030 އަށް ކުރިއަށްދާ އެ ކޮމިޝަންގެ ދައުރަށް ރާއްޖެ އިންތިހާބުވުމާއި ގުޅިގެން އެމަނިކުފާނުގެ ރަސްމީ އެކްސް އެކައުންޓުގައި އާންމުކުރެއްވި ޕޯސްޓެއްގަ އެވެ.
އެމަނިކުފާނުގެ މި ޕޯސްޓުގައި، އެ ކޮމިޝަނަށް ދެން އިންތިހާބުވި އިތުރު ހައުމުތަކަށް މަރުހަބާ ދަންނަވާ، އަންހެނުންގެ ހައްގުތަކާއި އަންހެނުން ބާރުވެރިކުރުވުމާ ގުޅުންހުރި ކަންކަމުގައި ކޮމިޝަނަށް އެހީތެރިކަން ފޯރުކޮށްދިނުމަށް ރާއްޖެއިން ތައްޔާރަށް އޮތްކަމުގައި ވިދާޅުވިއެވެ.
ދިވެހިރާއްޖެއިން މި ވޭތުވެދިޔަ އަހަރުތަކުގައި ގައުމީ އަދި ބައިނަލްއަގުވާމީ ފެންވަރުގައި އަންހެނުންގެ ހައް\ގުތަކާއި ދަރަޖަ ކުރިއެރުވުމުގެ މަގުގައި ގިނަގުނަ ކުރިއެރުންތަކެއް ހޯދައިފާވާކަމުގައި ރައީސް ވިދާޅުވިއެވެ.
