ފ. ނިލަންދޫގައި މި ސަރުކާރުން އަޅަން ނިންމާފައިވާ އެއާރޕޯޓު އެޅުމަށްޓަކައި ބިން ހިއްކުމުގެ މަސައްކަތް މިއަދު ހެނދުނު ފަށައިފިއެވެ.
ނިލަންދޫގައި އެއާރޕޯޓު އެޅުމަށް ނިންމާފައިވާކަން ސަރުކާރުން އިއުލާނު ކުރެއްވީ ވަރަށް ފަހުންނެވެ. މިއީ ފ. އަތޮޅުގައި އެއާރޕޯޓެއް އެޅުމުގެ މަސައްކަތް ފެށި ދެވަނަ ރަށެވެ. ކުރީގެ ސަރުކާރުން ވަނީ ފ. މަގޫދޫގައި އެއާރޕޯޓު އެޅުމަށް ނިންމައި، ބިން ހިންކައިވެސް ނިންމާފައެވެ.
މަގޫދޫ އެއާރޕޯޓުގެ މަސައްކަތް ހުއްޓާލުމަށް ފަހު ނިލަންދޫގައި އެއާރޕޯޓެއް އަޅަން ފެށުމުން އެ ދެރަށުގެ މެދުގައި ދާދިފަހުން ވަނީ މައްސަލަތަކެއްވެސް ޖެހިފައެވެ.