ސުޝްމީތާ ސެން ގެ ކުރީގެ ޒުވާން ލޯބިވެރިއާ ރޮހްމާން ޝޯލް އެނބުރި އޭނާ ހަޔާތަށް އައިސްފައިވާ ކަމަށް ރިޕޯޓްތަށް ބުނެފިއެވެ.
ރޮހްމާން އާއި ސުޝްމީތާ ލޯބީގެ ގޮތުން ގުޅިފައިވަނީ 2018 ވަނަ އަހަރުގައިއެވެ. ނަމަވެސް އެގުޅުމަށް 2021 ވަނަ އަހަރު ވަނީ ނިމުން އައިސްފައިއެވެ. އެމީހުން ލޯބީގެ ގޮތުން ގުޅިގެން އުޅުން އިރުގައި އެއީ ވަރަށް ނަން ހިނގާ ޖޯޑެކވެ. އަދި ހަމަ އެއާއި އެކުގައި އެމީހުންގެ އުމުރުގެ ފަރަގުގެ ސަބަބުން ގިނަ ފާޑުކިޔުންތަށް އަމާޒުވި ޖޯޑެއްވެސް މެއެވެ.
ކޮންމެއަކަށް 2021 ވަނަ އަހަރު އެގުޅުނު ނިމުނުން ސުޝްމީތާ އިތުރު ބައިވެރިއަކު ހޯދިއެވެ. އަދި ވަރަށް ގައިގޯޅި ފޮޓޯ ތަކަކާއި އެކުގައި އެގުޅުން އިއުލާން ކުރީ އޭނާ ލޯބީގެ ގޮތުން ގުޅުން ވިރަފާރީވެރިއާ ލަލިތް މޯދީއެވެ. އެމީހުން ލޯބީގެ ގޮތުން ގުޅިގެން އުޅޭ ކަން އިއުލާން ކުރީ 2022 ވަނަ އަހަރުގައިއެވެ.
އަދި އެމީހުން ވަނީ އެކުގައި ރާއްޖޭގައި ޗުއްޓީ ވެސް ހޭދަކޮށްފައިއެވެ. ސުޝްމީތާ ވަނީ އޭނާ އުފާވެފައި ހުރިވަރު ބަޔާންކޮށްދީ ވަރުގަދަ ޕޯސްޓެއްވެސް އޭރުގައި އިންސްޓްގާމްގައި ހިއްސާ ކޮށްފައިއެވެ.
ނަމަވެސް އަނެއްކައިވެސް އެމީހުންގެ އުމުރުގެ ފަރަގު ސަބަބުން މީހުންގެ މަލާމާތް އެދެމީހުންނަށް އަމާޒުވިއެވެ. އޭރުގައި ބުނެފައިވަނީ ލަލިތު ސުޝްމީތާ އަށް ވުރެ މާ މުސްކުޅިކަމަށެވެ.
ކޮންމެއަކަސް އެގުޅުން މާގިނަ ދުވަހުގައި ދެމިއެއް ނޯތެވެ. އަދި އެއާއި އެކުގައި ލަލިތް ގެ ލޯބި ހަދާން ނައްތާލުމަށްފަހު ސުޝްމީތާ މިހާރު ފެނިގެންދަނީ ކުރީގެ ލޯބިވެރިއާ ރޮހްމާން އާއި އެކުގައިއެވެ.
ނަމަވެސް އެމީހުން އަލުން ގުޅުން ކަމުގެ އެއްވެސް އޮފިޝަލް ސްޓޭޓްމެންޓެއް މިހާތަނަށް އަދި ނެރެފައިއެއް ނުވެއެވެ. ނަމަވެސް މިހާރު ސުޝްމީތާ އާއި އެކުގައި ރޮހްމާން ފެންނަލެއް ގިނައެވެ. މިދިއަ ހޮނިހިރު ދުވަހުގައި ބެއްވި ލެކްމޭ ފެޝަން ވީކް ގައި ޝޯވ ޓޮޕާއެއްގެ ގޮތުން ހިންގާލުމަށްފަހު ސުޝްމިތާ ދެން ފެނިގެން ދިއައީ ރޮހްމާން އާއި އެކުގައިއެވެ.
ދެމީހުން އެކުގައި ވަރަށް ގުޅޭ ކަމަށް ގިނަ ބަޔަކު އަންނަނީ ބުނަމުންނެވެ. އަދި ހަމަ އެއާއި އެކުގައި އެމީހުން ކައިވެނި ކުރާނެ އިންޒިޒާރުގައި ގިން ސަޕޯޓަރުން އެބަ ތިއްބެވެ. ނަމަވެސް ސުޝްމީތާ ވެސް އަދި ރޮހްމާންގެ ފަރާތުންވެސް އެގުޅުން އަލުން އިއާދަ ވިކަމުގެ ހަބަރެއް ނީވެއެވެ.
