ކުރިއަށް އޮތް ރިޔާސީ އިންތިޚާބަށް ބޭނުންވާ ވަގުތީ މުވައްޒަފުން ހޯދަން އިލެކްޝަންސް ކޮމިޝަނުން އިއުލާނުކޮށްފިއެވެ.
އެކޮމިޝަނަށް 11 މުވައްޒަފަކު ހޯދަން ވަނީ އިއުލާނުކޮށްފައެވެ. މިއީ ކުރިއަށް އޮތް ރިޔާސީ އިންތިހާބުގެ އެކި މަސައްކަތްތަކަށް ބޭނުންވާ މުވައްޒަފުންކަމަށް އެކޮމިޝަނުން މަޢުލޫމާތު ދެއްވައެވެ. ވަގުތީ މުވައްޒަފުނަށް އަސާސީ މުސާރައިގެ ގޮތުގައި މަހަކު 4465އާއި ސާވިސް އެލަވަންސްގެ ގޮތުގައި 1500ރުފިޔާއާއި ކޮންމެ ދުވަހަކަށް 155ރުފިޔާގެ އެލަވަންސްއެއް ދޭގޮތަށް ވަނީ ހަމަޖެހިފައެވެ. މިއީ ހަމައެކަނި ރިޔާސީ އިންތިޚާބުގެ ކަންކަން ނިމެންދެން ގެންގުޅޭނެ މުވައްޒަފުންނެވެ.
އަންނަ އަހަރުގެ ބަޖެޓުގައި ވަނީ ރިޔާސީ އިންތިހާބަށް 90 މިލިއަން ރުފިޔާ ކަނޑައަޅާފައެވެ. މިމަސް ނިމުމުގެ ކުރިން އަންނަ އަހަރުގެ ރިޔާސީ އިންތިޚާބު ބާއްވާނެ ތާރީޚެއް އިއުލާންކުރާނެކަމަށް އިލެކްޝަންސް ކޮމިޝަނުން ބުނެއެވެ.
