މިސްކިޔްތަކުގައި ނަމާދުކުރާ އަޑު ބޭރަށް ނީވޭގޮތަށް ހަދަން އަންގާފައި ވާކަމަށްބުނެ މީޑިއާތަކުން ރިޕޯޓު ކޮށްފައިވާ ވާހަކަ ތަކަކީ ދޮގު ވާހަކަތަކެއް ކަމުގައި އިސްލާމިކް މިނިސްޓްރީން ވިދާޅުވެއްޖެއެވެ.
މިސްކިތްތަކުގައި ނަމާދުކުރާ އަޑު ބޭރަށް ނީވޭގޮތަށް ނަމާދުކުރުމަށް މިނިސްޓްރީން މިސްކިތްތަކަށް އަންގާފައިވާކަމަށް ބުނެ، މީޑިއާތަކުން ރިޕޯޓު ކުރުމާއި ގުޅިގެން މިނިސްޓްރީން ނެރުނު ބަޔާނުގައި ވިދާޅުވެފައިވަނީ، ނަމާދުކުރާ އަޑު ބޭރަށް ނީވޭގޮތަށް ހަދަން އެ މިނިސްޓްރީން އެއްވެސް ފަރާތަކަށް އަންގާފައި ނުވާނެ ކަމުގައެވެ.
އަދި މިސްކިތްތަކުގެ ނަމާދުކުރާ އަޑު ބޭރަށް ނީވޭގޮތަށް ހެދުމަކީ އެ މިނިސްޓްރީގެ އެއްވެސް އިރެއްގެ ވިސްނުމެއް ނޫންކަމުގައާއި، ކުރީއްސުރެ އަމަލުކުރަމުން އަންނަ އުސޫލުން މިހާރުވެސް މިސްކިތްތަކުގައި ހުންނާނީ ނަމާދުކުރާ އަޑު ބޭރަށް އިވޭގޮތަށްކަމަށްވެސް ވިދާޅުވެފައި ވެއެވެ.
މިނިސްޓްރީގެ ބަޔާނުގައި ވަނީ، އެހެންނަމަވެސް އަޑު ބާރުކަމަށްބުނެ ލިބުނު ޝަކުވާތަކާއި ގުޅިގެން ބެލިބެލުމުން މާލޭގެ 5 މިސްކިތެއްގައި ޖަހުރިއްޔަ ނަމާދުތަކުގައި ބޭރަށް އަޑު ޖައްސާފައި ހުންނަ މިންވަރު މަޑުކުރުން އެއީ ދީނީގޮތުން އެންމެ މަސްލަހަތު ރަގަޅު ގޮތްކަމުގައި ފެންނާނީ އެ މިސްކިތްތަކުގެ އިމާމުންނަށް ޖަހުރިއްޔަ ނަމާދުތައް ކުރާއިރު ބޭރަށް އަޑު ޖައްސާފައި ހުންނަ މިންވަރު މަޑުކުރުމަށް އިރުޝާދު ދެވިފައި ވާކަމުގައެވެ.
މިގޮތުން ބައެއް މިސްކިތްތަކަކީ ކައިރި ކައިރީގައި ހުންނަ މިސްކިތްތަކަކަށް ވެފައި، އެއް މިސްކިތުން އަނެއް މިސްކިތަށް ނަމާދުކުރާ އަޑު ބާރަށް އިވި، ނަމާދުކުރާއިރު ދަތިވާކަމަށް ވަނީ ފާހަގަ ކުރެވިފައެވެ. އަދި ހަމަ އެހެންމަ މިސްކިތް ހުންނަ ސަރަހައްދުގެ ގޮތުން، ތުއްތުކުދިން ތިބޭ ކަރި ގޭގެއިން ދަތިވާކަމަށް ވަނީ ފާހަގަ ކުރެވިފައެވެ.
އިސްލާމިކް މިނިސްޓްރީގެ ބަޔާނުގައި ވެއެވެ.
މިނިސްޓްރީން ވިދާޅުވެފައިވަނީ މިސްކިތްތަކުގެ އަޑު މަޑުކުރުމާއި ގުޅޭގޮތުން ސާކިއުލާއެއް އަދި ލިޔުމެއްވެސް އެ މިނިސްޓްރީން އެއްވެސް ފަރާތަކަށް ފޮނުވާފައި ނުވާނެކަމަށާއި، މިކަމާއި ގުޅޭގޮތުން މީޑިއާތަކުގައި ގެނެސްފައިވަނީ ދެތު ޚަބަރުތަކެއް ނޫން ކަމުގައެވެ.
