ބިގް ބޮސް 14 ގެފައިނަލްގައި ވާދަކުރި ބައިވެރިއެއް ކަމަށްވާ އަލީ ގޯނީ އާއި އޭނާގެ ލޯބިވެރިޔާ ޖޭސްމިން ބާސިން މި އަހަރު ޢީދު ފާހަގަ ކޮށްފައިވަނީ އަލީ ގޯނީގެ އާއިލާއެކުގައި ޖައްމޫގައެވެ. މި މުނާސަބަތު އިތުރަށް ޚާއްސަ ކުރުމުގެ ގޮތުން އަލީ ވަނީ ޖޭސްމިނަށް ހަދިޔާ އެއް ދީފައެވެ.
ޖޭސްމިން ވަނީ މި އަގުބޮޑު ހަދިޔާގެ ވީޑިއޯއެއް އޭނާގެ އިންސްޓަގްރާމް ސްޓޯރީގައި ހިއްސާކޮށްފަ އެވެ. އަލީ ޖޭސްމިނަށް ދީފައިވަނީ ކަސްޓަމް މޭޑް ކްރިސްޓަން ޑިއޯ ބްރޭންޑުގެ ދަބަހެއެކެވެ. ޖޭސްމިންވަނީ އޭނާގެ އިންސްޓްގްރާމް ސްޓޯރީގައި އަލީއަށް ޝުކުރު އަދާކޮށްފައެވެ.
ކަސްޓަމް މޭޑް މި ދަބަހަކީ 12،000 ދިރްހަމްގެ އަގުހުރި ދަބަހެކެވެ. އެމެރިކާ ޑޮލަރުން ބަލާނަމަ މިއީ ގާތްގަނޑަކަށް 3270 ޑޮލަރުގެ އަގުހުރި ދަބަހެކެވެ.
މި ދެލޯބިވެރިންނަކީ މީގެ ކުރިންވެސް މިފަދަ އަގުބޮޑެތި ހަދިޔާ ބަދަލުކުރުމުގަައި މަޝްހޫރު ޖޯޑެކެވެ.
