ބޮލީވުޑްގެ ސުޕަސްޓަރ އަކްޝޭ ކުމާރު ވަނީ ބޭނުން ޖެހިފައިވާ މީހުންނަށް އެހީވުމަށް 10 މިލިއަން ރުޕީސް ހަދިޔާކޮށްފަ އެވެ. އަކްޝޭ މި ފައިސާ ޑޮނޭޓު ކޮށްފައިވަނީ ކުރީގެ ކުރިކެޓު ކުޅުންތެރިއެއް ކަމަށްވާ ގައޮތަމް ގަމްބީރް ހިންގަމުދާ އެންޖީއޯއަކަށެވެ. މިނޫނަސް އަކްޝޭ އަކީ އެހެނިހެން ކަންކަމުގައި ވެސް އަމިއްލައަށް އެހީ ފޯރުކޮށްދޭ ފަރާތެކެވެ.
ގައޮތަމްވަނީ އޭނާގެ ޓްވިޓާގައި އަކްޝޭއަށް ޝުކުރު އަދާކުރަމުން ޓްވީޓްކޮށްފަ އެވެ. އަދި އޭނާ ބުނެފައިވަނީ އަކްޝޭ މި ފައިސާ ހަދިޔާ ކޮށްފައިވަނީ، ޕެންޑަމިކްތެރޭގައި ބޭހާއި ކާނާ އަދި އެހެނިހެން ޒަރޫރީ ތަކެތި ބޭނުންވާ ފަރާތްކަށް ފޯރުކޮށްދިނުމަށެވެ.
މި ޓްވީޓަށް އަކްޝޭވަނީ ޖަވާބު ދީފައެވެ. އެގޮތުން އޭނާ ބުނެފައިވަނީ އޭނަށް ލިބުނު މިންވަރަކުން އެހީ ފޯރު ކޮށްދޭނެ ކަމަށާއި މިފަދަ ކަންކަމުން ހިތްހަމަ ޖެހުން ލިބޭކަމަށެވެ. އަދި އޭނާގެ އުއްމީދަކީ ވީހާވެސް އަވަހަށް ސިއްހީ މިބޮޑު ކާރިސާއިން ސަލާމަތްވުން ކަމަށެވެ.
These are really tough times, @GautamGambhir. Glad I could help. Wish we all get out of this crisis soon. Stay Safe ??
— Akshay Kumar (@akshaykumar) April 24, 2021
މަސައްކަތަށް ބަލާއިރު އަކްޝޭ ދެން ފެނިގެންދާނީ ރޯހިތު ޝެއްޓީގެ ފިލްމު "ސޫރްޔަވަންޝީ" އިންނެވެ. މި ފިލްމުން ކެޓްރީނާ ކައިފް ވެސް ފެނިގެންދާނެއެވެ.
