ރައްޔިތުންގެ މަޖިލީހުގެ ރައީސް އަބްދުއްރަޙީމް އަބްދުﷲ ރަސްމީ ދަތުރުފުޅެއްގައި އުޒްބަކިސްތާނަށް ވަޑައިގެންފިއެވެ.
މަޖިލީހުގެ އިދާރާއިން ބުނީ، މިއީ މިމަހުގެ 5 އިން 9 އަށް އުޒްބަކިސްތާނުގައި ކުރިއަށްދާ އިންޓަރ-ޕާލިމެންޓަރީ ޔުނިއަންގެ 150 ވަނަ އެސެމްބްލީގައި ބައިވެރިވެވަޑައިގަތުމަށް މަޖިލީހުގެ ރައީސް ކުރައްވާ ދަތުފުޅެއް ކަމަށެވެ. މި އެސެމްބްލީ އޮންނާނީ އުޒްބަކިސްތާނުގެ ތަޝްކެންޓަގައެވެ.
މި ދަތުރުފުޅުގައި މަޖިލީހުގެ ރައީސްގެ އަރިހުގައި މަޖިލީހުގެ އިތުރު ފަސް މެމްބަރަކުވެސް އުޒްބަކިސްތާނަށް ވަޑައިގެންނެވިއެވެ.
މަޖިލިސް ރައީސް އަރިހުގައި އުޒްބަކިސްތާނަށް ވަޑައިގެންނެވި މެމްބަރުންނަކީ މައިނޯރިޓީ ލީޑަރ، ހިތަދޫ ދެކުނު ދާއިރާގެ މެންބަރު އިބްރާހީމް ނާޒިލް، މާފަންނު މެދު ދާއިރާގެ މެންބަރު އަސްމާ ރަޝީދު، ހުރާ ދާއިރާގެ މެންބަރު ޑޮކްޓަރ އަނާރާ ނަޢީމް، މާފަންނު ދެކުނު ދާއިރާގެ މެންބަރު ޢަބްދުﷲ ރިފާޢު އަދި ހެންވޭރު ދެކުނު ދާއިރާގެ މެންބަރު ޙުސައިން އިމްރާން ލަޠީފެވެ.
