39 ދުވަހުގެ ބޮޑު ޗުއްޓީއަށްފަހު ސްކޫލްތައް ހުޅުވުން ހޯމަ ދުވަހު

39 ދުވަހުގެ ބޮޑު ޗުއްޓީއަށްފަހު ސްކޫލްތައް ހުޅުވުން ހޯމަ ދުވަހު

39 ދުވަހުގެ ބޮޑު ޗުއްޓީއަށް ފަހު ރާއްޖޭގެ ދިރާސީ އާ އަހަރުގެ ކިޔެވުން އަންނަ ހޯމަ ދުވަހު ފަށާގޮތަށް އެޑިޔުކޭޝަން މިނިސްޓްރީން ނިންމައިފިއެވެ.

އާންމުކޮށް ދިރާސީ އާ އަހަރުގެ ކިޔެވުން ފަށަނީ ހަފްތާގެ ފުރަތަމަ ދުވަސް ކަމަށްވާ އާދީއްތަ ދުވަހުއެވެ. އާދީއްތަ ދުވަހު ސަރުކާރު ހުޅުވުނު ކަމަށްވިޔަސް އެޑިޔުކޭޝަނުން ނިންމާފައި ވަނީ މިފަހަރު ހޯމަ ދުވަހު ސްކޫލްތައް ހުޅުވާގޮތަށެވެ.

ރާއްޖޭގެ ސްކޫލްތައް ދިރާސީ އަހަރުގެ ކިޔެވުން ނިންމާލުމަށްފަހު ބޮޑު ޗުއްޓީއަށް ދަރިވަރުން ދިޔައީ ހުސްވި ފެބަރުއަރީ މަހުގެ 27 ވަނަ ދުވަހުއެވެ. އެހެންކަމުން އީދު ޗުއްޓީއާއެކު ދަރިވަރުންނަށް ވަނީ 39 ދުވަހުގެ ޗުއްޓީއެއް ހޭދަކުރަން ލިބިފައެވެ.

ހޯމަ ދުވަހު ފަށާ ދިރާސީ އާ އަހަރުގެ ފުރަތަމަ ޓާމުގެ ޗުއްޓީ ފަށާނީ ޖުލައި 24 ގައެވެ. އަދި ދެވަނަ ޓާމު ފަށާނީ އޮގަސްޓު 10 ގައެވެ. އެއާއެކު ދިރާސީ އަހަރު ނިމޭނީ މި އަހަރުގެ ޑިސެމްބަރު 28 ވަނަ ދުވަހުއެވެ. އެހެންކަމުން ދިރާސީ އާ އަހަރުގެ ބޮޑު ޗުއްޓީއަށް ސްކޫލްތައް ދާނީ އަންނަ ޑިސެމްބަރު 28 ން 2026 ވަނަ އަހަރުގެ ޖެނުއަރީ 27 އަށެވެ. އެއީ މަސް ދުވަހުގެ ޗުއްޓީއެކެވެ.

ހިޔާލުފާޅު ކުރައްވާ!

Leave a Reply

Your email address will not be published. Required fields are marked *