17 ދުވަހުގެ ބޮޑު ބަންދަކަށްފަހު މާދަމާ ސަރުކާރު ހުޅުވޭނެއެވެ.
ސަރުކާރު ބަންދުވެ، ސަރުކާރު މުވައްޒަފުން ޗުއްޓީއަށް ދިޔައީ ހުސްވި މާޗު މަހުގެ 20 ވަނަ ދުވަހުން ފެށިގެންނެވެ. އެއަށްފަހު ސަރުކާރު މި ހުޅުވެނީ ރަމަޞާން މަސް ނިމި، އީދު ޗުއްޓީވެސް ނިމުމަށްފަހުއެވެ.
މާދަމާ ސަރުކާރު ހުޅުވުމަށްފަހު ދެން ސަރުކާރު އޮފީސްތައް ހުޅުވާފައި ހުންނާނީ ކުރިންވެސް އާންމުކޮށް ހުޅުވާފައި ހުންނަ ވަގުތު ތަކުގައެވެ. 20 ވަނަ ދުވަހުން ފެށިގެން ސަރުކާރު ބަންދުވީ، ރަަމަޞާން މަހުގެ ފަހު 10 ބަންދު ކުރަން މިދިޔަ އަހަރުން ފެށިގެން ސަރުކާރުން ނިންމާފައިވާތީއެވެ.
ރަމަޞާން މަހުގެ ފަހު 10 ން ފެށިގެން ޗުއްޓީއަށް ދިޔަ ނަމަވެސް، ރަމަޞާން މަސް ފެށުމާއެކު އަބަދުވެސް ސަރުކާރު ހުޅުވިފައި ހުންނަ ވަގުތު މަދު ކުރަމުން ގޮސްފައިވެއެވެ.