* އެޑިޓަރުގެ ނޯޓް: ތިރީގައި އެވަނީ އިނގިރޭސިވިލާތުގެ މަޝްހޫރު ނޫހެއް ކަމަށްވާ "ސަންޑޭ ޓައިމްސް" ގައި 25 ޖެނުއަރީ 2025 ގައި ޝާއިއު ކޮށްފައިވާ ލިޔުމެއްގެ ދިވެހި ތަރުޖަމާއެވެ.

ރާއްޖޭގެ ސިޔާސީ މައިދާނާއި ދުނިޔޭގެ ޑިޕްލޮމަސީގައި ފާހަގަކޮށްލެވޭ ބޭފުޅެއް ކަމަށްވާ އަބްދުالله ޝާހިދަކީ ދިވެހި ސަރުކާރުގެ ތެރޭގައި ހުންނަ ކޮރަޕްޝަނަށް ގޮންޖެހުންތައް ކުރިމަތި ކުރުވުމުގައި މައިގަނޑު ބާރެއްގެ ގޮތުގައި ނިކުމެވަޑައިގެންފައިވާ ބޭފުޅެކެވެ. މޯލްޑިވިއަން ޑިމޮކްރެޓިކް ޕާޓީ (އެމްޑީޕީ)ގެ ލީޑަރުގެ ހައިސިއްޔަތުން ޝާހިދަކީ ޖަވާބުދާރީ ކުރުވުމަށާއި، ހަރުދަނާ ވެރިކަމެއް ހިންގުމަށް ފާޅުގައި ވަކާލާތު ކުރައްވާ ބޭފުޅެކެވެ.

ރައީސް ޑރ. މުޢިއްޒުގެ ސަރުކާރުގެ ވަޢުދުތަކާއެކުވެސް، ރަށްރަށުގެ އެކިކަންކޮޅު ތަކުގައި ހަރުދަނާ ބަދަލުތަކެއް އައިސްފައި ނުވާއިރު، ގިނަ ރައްޔިތުން ވަނީ ކުރިއެރުން ނުލިބުމުން މާޔޫސް ވެފައެވެ.

އދ.ގެ 76 ވަނަ އާންމު މަޖިލީހުގެ ރައީސަކަށް 2021 ވަނަ އަހަރު އިންތިޚާބުވެވަޑައިގެންނެވި ޝާހިދު ވަނީ މޫސުމަށް އަންނަ ބަދަލުތަކާއި ދެމެހެއްޓެނިވި ތަރައްގީ އާއި އިންސާނީ ހައްގުތައް ފަދަ ކަންކަމަށް ބައިނަލްއަގުވާމީ ސަމާލުކަން ގެނެސްފައެވެ. އދ.ގައި ހޭދަކުރެއްވި ދުވަސްވަރު، ދެމެހެއްޓެނިވި މުސްތަގުބަލަކަށްޓަކައި ގައުމު ތަކުން، ޚާއްސަކޮށް ރާއްޖެ ފަދަ ކުދި ޖަޒީރާ ގައުމުތައް ގުޅިގެން މަސައްކަތް ކުރަންޖެހޭ ކަމަށް ވިދާޅުވިއެވެ. އެމަނިކުފާނުގެ ވެރިކަމަކީ ދުނިޔޭގެ މައިދާނުގައި ރާއްޖެއަށް ލިބުނު ވަރަށް ބޮޑު ކުރިއެރުމެއް ކަމަށާއި، ގޮންޖެހުން ތަކުން އަރައިގަތުމަށް އެއްބާރުލުން ދިނުމުގެ މުހިންމު ކަމުގެ މައްޗަށް އަލިއަޅުއްވާލެއްވިއެވެ.

އދ.ގެ ދައުރުގެ އިތުރުން ރާއްޖޭގެ ޚާރިޖީ ވަޒީރުގެ ހައިސިއްޔަތުން ޝާހިދުގެ ކެރިއަރުން އެމަނިކުފާނުގެ ޑިޕްލޮމެޓިކް ހުނަރު ހާމަވެގެން ދިޔައެވެ. ރާއްޖޭގެ ޚާރިޖީ ގުޅުންތައް ބައްޓަން ކުރެއްވުމުގައި މޫސުމަށް އަންނަ ބަދަލުތަކާއި، ބައިނަލްއަޤްވާމީ ފެންވަރުގައި އިންސާނީ އެހީތެރިކަން ފޯރުކޮށްދިނުމުގައި އަޑުއުފުލާ ޤައުމެއްގެ ގޮތުގައި ދިވެހިރާއްޖެ ބައްޓަން ކުރެއްވުމުގައި އިސް ދައުރެއް އަދާކުރެއްވިއެވެ.

އެމްޑީޕީގައި އެމަނިކުފާނުގެ ލީޑަރޝިޕްގެ އަސްލަކީ ދެފުށް ފެންނަ، ހެޔޮވެރިކަމާއި، ކޮރަޕްޝަނާ ދެކޮޅަށް މަސައްކަތް ކުރުން ފަދަ ކަންކަމަށް އަލިއަޅުއްވާލައްވައި، ގައުމުގެ މުސްތަގުބަލަށް އޮތް ނާޒުކު މަގެއްގެ ގޮތުގައި ދެކެވަޑައިގަންނަވައެވެ. ބައިނަލްއަގްވާމީ މައިދާނުގައި ކިތަންމެ ބޮޑު ކާމިޔާބީ ތަކެއް ހޯއްދެވި ނަމަވެސް، ޝާހިދު ހުންނެވީ ރާއްޖޭގެ ސިޔާސީ މަސްރަހާމެދު ވަރަށް ބޮޑަށް ކަންބޮޑުވެވަޑައިގެންފައެވެ.

ރައީސް ޑރ. މުޢިއްޒު އިސްވެ ހުންނަވާ މި ސަރުކާރަށް ބޮޑެތި ބަދަލުތަކެއް ނުގެނެސް، ތަކުރާރުކޮށް ވަޢުދުވެ، ޚާއްޞަކޮށް ކޮރަޕްޝަން ހުއްޓުވުމުގައި ގިނަ ބައެއްގެ ފާޑުކިޔުން ވަނީ އަމާޒުވެފައެވެ. ޒަމާނުއްސުރެ ސުވަރުގޭގެ މަންޒިލެއްގެ ގޮތުގައި ބެލެވިފައިވާ މިރަށްރަށުގެ ކުރިއެރުމާއި ހަމަޖެހުމަށް ހުރަސްއެޅިފައިވާ ބޮޑެތި މައްސަލަތަކަކާއި ކުރިމަތިލާން ޖެހިއްޖެއެވެ. ކޮރަޕްޝަން ނައްތާލުމަށާއި، ސަރުކާރުގެ އަމަލުތައް އެމީހުންގެބަހާއި އެއްގޮތްވޭތޯ ބެލުމަށް ޝާހިދު ދެއްވާ އަހަންމިއްޔަތަކީ މައިގަނޑު އަސާސެވެ.

ރާއްޖޭގެ ހިންގުން ހަރުދަނާ ކުރުމަށް ޝާހިދު ކުރައްވަމުން ގެންދަވާ މަސައްކަތްޕުޅުން ދައްކުވައި ދެނީ މޫސުމަށް އަންނަ ބަދަލުތަކާއި އިންސާނީ ހައްގުތަކަށް ޝާހިދު ކުރައްވަމުން ގެންދަވާ މަސައްކަތްޕުޅުތަކެވެ. ތިމާވެށި ހިމާޔަތްކޮށް، ހުރިހާ ރައްޔިތުންނަށް ހަމަހަމަ ފުރުސަތުތައް ފަހިކޮށްދޭ ސިޔާސަތު ތަކަށް ވަކާލާތު ކުރައްވަމުން ގެންދަވާއިރު، ވެރިކަމުގައި ތިއްބެވި ބޭފުޅުންގެ އަމަލުތަކަށް ޖަވާބުދާރީ ވެވަޑައިގަންނަވައެވެ.

ކޮރަޕްޝަނަށް ހައްލެއް ހޯދައިދިނުމަށް، އެމްޑީޕީން ކެނޑިނޭޅި މަސައްކަތް ކުރަމުންދާއިރު، އަބްދުالله ޝާހިދުގެ ލީޑާޝިޕަކީ ރާއްޖެއަށް މިހާރަށްވުރެ ދެފުށް ފެންނަ، ހަމަހަމަ އަދި ދެމެހެއްޓެނިވި މުސްތަގުބަލެއް ލިބޭނެ ކަމުގެ އުއްމީދުގެ އަލިކަމެއްގެ ގޮތުގައި އަލިވެގެންދެއެވެ. ދުނިޔޭގެ ތަޖުރިބާއާއި އަދުލު އިންސާފަށް އޮތް ސާބިތުކަން ކުޑަކަމުގެ ސަބަބުން، މި ހާލަތަށް ގޮންޖަހައި، އަމިއްލަ ވަޒަނުގެ ސިޔާސީ މަސްރަހު އަލުން ބައްޓަން ކުރުމަށް އޭނާ ކުރައްވަމުން ގެންދަވާ މަސައްކަތްޕުޅުތައް ކުރިއަށް ގެންދަވައެވެ.

ޝާހިދު ގެންދަވަނީ ރާއްޖެއަށްވެސް އަދި މުޅި ދުނިޔެއަށްވެސް ބަދަލުތަކެއް ގެނެވިދާނެ ކަމަށް ޤަބޫލުފުޅު ކުރައްވަމުންނެވެ. ކޮރަޕްޝަނާ ދެކޮޅަށް އެމަނިކުފާނު ކުރައްވަމުން ގެންދަވާ މަސައްކަތް އަދި ނިމުމަކަށް އައިސްފައިނުވި ނަމަވެސް، އެމަނިކުފާނުގެ ލީޑަޝިޕް ދެމިއޮތުމާއެކު ރާއްޖެ މިއަށްވުރެ ތަނަވަސް އަދި ޒިންމާދާރު މުސްތަގުބަލަކަށް ހިނގައިދާނެ ކަމުގެ އުއްމީދު އެބައޮތެވެ.