އިލެކްޝަން ކޮމިޝަނަކީ ރައްޔިތުން އިތުބާރު ކުރާ ތަނަކަށް ވާންޖެހޭ ކަމުގައި ކުރީގެ ރައީސް އިބްރާހީމް މުޙަންމަދު ސޯލިހު ވިދާޅުވެއްޖެއެވެ.
ރައްޔިތުންގެ މަޖިލީހުގެ ވައިކަރަދޫ ދާއިރާގެ މެމްބަރު ހުސައިން ޒިޔާދު (ފިއްޓޭ) އެމްޑީޕީން ވަކިކޮށް، ޕީއެންސީއަށް ވެއްދި މައްސަލައިގައި އެކްސްގައި އިބޫ ވިދާޅުވީ، އާންމު އެތައް ރައްޔިތެއްގެ ޒާތީ މަޢުލޫމާތު ނަހަމަ ގޮތުގައި ބޭނުންކޮށް އޮޅުވާލައިގެން ޕީއެންސީއަށް މީހުން ވައްދަމުން އެބަގެންދާ ކަމަށެވެ.
"އެންމެ ފަހުން މިއެނގުނީ އެމްޑީޕީ އަށް ނިސްބަތްވާ ވައިކަރަދޫ ދާއިރާގެ ރައްޔިތުންގެ މަޖިލީހުގެ މެންބަރުވެސް އޮޅުވާލައިގެން ޕީއެންސީއަށް ވެެއްދި ވާހަކައެވެ." އިބޫ ވިދާޅުވިއެވެ.
އިބޫ ވިދާޅުވީ، އިލެކްޝަންސް ކޮމިޝަނުގެ ޤާނޫނީ ޒިންމާ ފުރިހަމައަަށް އަދާކުރަމުން ގެންދާކަމާމެދު ސުވާލު އުފެދޭ ކަމަށެވެ.
"އިލެކްޝަންސް ކޮމިޝަނަކީ ރައްޔިތުން ފުރިހަމައަށް އިތުބާރުކުރާ ތަނަކަށް ވާން އެބަޖެހެއެވެ" އިބޫ ވިދާޅުވިއެވެ.
ފަހަކަށް އައިސް މީހާއަށް ނޭނގި އެ މީހާ ޕާޓީ ތަކަށް ވައްދާތީ އެކަމުގެ ކަންބޮޑުވުން ދަނީ ފާޅު ކުރަމުންނެވެ.
