ރައްޔިތުންގެ މަޖިލީހުގެ ވައިކަރަދޫ ދާއިރާގެ މެންބަރު ހުސައިން ޒިޔާދު (ފިއްޓޭ) އަށް އެނގުމަކާނުލައި، އެމްޑީޕީން ވަކިކޮށް، ވެރިކަންކުރާ ޕީއެންސީއަށް އޭނާ ބަދަލު ކުރުމާއެކު، ފިއްޓޭގެ ގޮނޑިއާމެދު ސުވާލު އުފެދިފައިވާ ވަގުތެއްގައި، އެމްޑީޕީގެ އިސްފަރާތް ތަކުން އިލެކްޝަން ކޮމިޝަންސް (އީސީ) މެމްބަރުންނާ މިއަދު ބައްދަލު ކޮށްފިއެވެ.
އެމްޑީޕީން ބުނީ މިއަދު އީސީގެ މެމްބަރުންނާއެކު، ފިއްޓޭވެސް ހިމެނިގެން އެ މައްސަލައިގައި ބަދަލުކުރީ ޕާޓީގެ ޗެއާރޕާސަން ފައްޔާޒް އިސްމާއީލް އާއި ޕީޖީ ގްރޫޕްގެ މެމްބަރުންނާއި ގައުމީ މަޖިލީހުގެ މެމްބަރުން ކަމަށެވެ.
ދާދިފަހުން ގާނޫނަށް ގެނައި އިސްލާހުގައިވާ ގޮތުން މެމްބަރަކު، ޕާޓީން ވަކިވެއްޖެނަމަ، އަދި ވަކިކޮށްފިނަމަ، މެމްބަރު ކަމުގެ މަގާމު ގެއްލޭނެއެވެ. ފިއްޓޭއަކީ އެމްޑީޕީގެ ޓިކެޓުގައި ހޮވިފައިވާ މެމްބަރެކެވެ. އަދި އޭނާއަކީ މިހާރު ހިނގަމުން މިދާ މަޖިލީހުގެ އެ ޕާޓީގެ ޕާލިމެންޓްރީ ގްރޫޕްގެ ޑެޕިއުޓީ ލީޑަރުވެސް މެއެވެ.
ފިއްޓޭ ވިދާޅުވީ، އޭނާ އެމްޑީީޕީން ވަކިކޮށް، ޕީއެންސީއަށް ބަދަލުކޮށްފައިވާކަން އެނގުނީ އޭނާގެ ދާއިރާގެ ގިނަ ބަޔަކު، އެމީހުންނަށް ނޭނގި ޕާޓީ ބަދަލުކޮށްފައިވާ ކަމުގެ ޝަކުވާތަކެއް އައުމުން، އޭނާގެ ނަން އޮތީ ކޮން ޕާޓީއެއްގައިތޯ ޗެކްކުރި ކުރުމުގެ ތެރޭގައެވެ.
ފިއްޓޭ ވިދާޅުވީ، އެމްޑީޕީ އިން ޕީއެންސީއަށް އޭނާ ބަދަލުވި ކަމުގެ މެސެޖް އޭނާގެ ފޯނަކަށް ނުދެއެވެ. އެހެންކަމުން ބޮޑަށް ބެލެވެނީ މެސެޖު ނުދިޔައީ އޭނާގެ ފޯނު ނަންބަރު ނޫން އެހެން ނަންބަރެއް ފޯމުގައި ޖަހާފައި އޮތުމުން ކަމަށް ބެލެވޭ ކަމަށެވެ.
