އާ އަހަރާ ދިމާކޮށް ބަނގުރަލާއި މަސްތުވާތަކެއްޗަށް އަމާޒުކޮށް ފުލުހުން ޚާއްސަ އޮޕަރޭޝަނެއް ފަށައިފިއެވެ.
ފުލުހުން ބުނީ އިއްޔެ ފެއްޓިި މި އޮޕަރޭޝަނަކީ އާ އަހަރު ފާހަގަކުރުމާއި ދިމާކޮށް ބަނގުރަލާއި މަސްތުވާތަކެތީގެ ވިޔަފާރީގެ ކަންތައް ބޮޑުވެދާނެތީ ފެށި އޮޕަރޭޝަނެއް ކަމަށެވެ.
ފުލުހުން ބުނީ ޚާއްސަ އޮޕަރޭޝަނުގެ ދަށުން ހުޅުމާލޭ ފަޅުގައި ހުންނަ ސަފާރީތަކާއި އޮޑިފަހަރު ބަލައި ޗެކުކޮށް، ރަށުތެރެވެސް ބަލަމުންދާނެ ކަމަށެވެ. އޭގެތެރޭގައި ކެފޭތަކާއި ރެސްޓޯރެންޓްތަކާއި އުޅަނދުތަކާއި އެ ވިޔަފާރި ހިންގާ ކަމަށް ޝައްކު ކުރެވޭތަންވެސް ހިމެނޭނެ ކަމަށެވެ.
ފުލުހުންގެ މި އޮޕަރޭޝަން ކުރިޔަށް ދަނީ ފުލުހުންގެ ޑްރަގް އެންފޯސްމަންޓާއި، ހުޅުމާލެ ޕޮލިހާއި ކ. އަތޮޅު ޕޮލިސް ސްޓޭޝަންތައް ގުޅިގެންނެވެ.
