ދައުލަތުގެ މާލީ ނިޒާމު ހަރުދަނާކުރުމަށް ފިނޭންސް މިނިސްޓްރީން ފަށާފައިވާ މަސައްކަތްތައް ވިލަރެސް ކުރުމަށް އުފައްދާފައިވާ އިކޮނޮމިކް ރިފޯމް އޮފީހުގެ ކޮމިޝަނަރަކަށް އަސްމާ ޝަފީއު ހަމަޖައްސައިފި އެވެ.
ފިނޭންސް މިނިސްޓްރީން އެކްސްގައ ކުރ ޕޯސްޓެއްގައި ވަނީ އަސްމާ އެ މަގާމަށް އައްޔަންކުރެއްވިކަން ކަށަވަރުކޮށްދެއްވައިފަ އެވެ.
އަސްމާ ވަނީ މޯލްޑިވްސް އިންލެންޑް ރެވެނިއު އޮތޯރިޓީ (މީރާ)ގައި ގިނަ ދުވަސްތަކެއްގެ ވަންދެން މަސައްކަތް ކުރައްވައިފަ އެވެ. ް އަސްމާ ވަނީ 2010 ވަނަ އަހަރުން ފެށިގެން މީރާގައި މަސައްކަތް ކުރައްވައިފަ އެވެ. އޭނާ ވަނީ ޑެޕިއުޓީ ކޮމިޝަނާ ޖެނެރަލް އޮފް ޓެކްސޭޝަންސްގެ މަގާމު ވެސް އަދާކުރައްވައިފަ އެވެ.
އެ މަގާމުގެ ޒިންމާތައް ކަމުގައި ބުނެފައިވަނީ އިގުތިސާދީ އަދި އެސްއޯއީ އަދި މާލީ އިސްލާހުތައް ތަންފީޒުކުރުމަށް ސަރުކާރުން އެކުލަވާލާފައިވާ ނޭޝަނަލް ރިފޯމް އެޖެންޑާ އެކުލަވައިލާ ތަންފީޒުކުރުމެވެ. އަދި އިސްތިރާޖީ އެޑްވައިސް ދިނުމާއި އަޅަންވީ ފިޔަވަޅުތައް ފިނޭންސް މިނިސްޓްރީއަށް ބުނެދިނުމަކީވެސް ޒިންމާއެއް ކަމުގައި ބަޔާންކޮށްފައިވެ އެވެ.
އޭގެ އިތުރުން ދައުލަތުގެ ކުންފުނިތައް ރިފޯމް ކުރުމާއެކު ފިސްކަލް ރިފޯމްތަކުގެ މަސައްކަތްތައް ވެސް ކޮމިޝަނަރުގެ ޒިންމާގެ ތެރޭގައި ހިމެނެ އެެވެ.
