ހައުސިން މިނިސްޓްރީގައި މިދިޔަ ބުރާސްފަތި ދުވަހު ހިނގި އަލިފާނުގެ ހާދިސާގައި މާލޭ ސިޓީ ކައުންސިލްގެ ލިޔެކިޔުން ތަކެއް ހިމެނޭ އޮފީހަށް ގެއްލުނުއިރު، މާލޭގެ މަންޒަރު ތަކެއް ގެއްލުމާއި ގުޅިގެން ޑްރޯން ބޭނުން ކޮށްގެން މާލޭ މެޕް ކުރުމުގެ މަސައްކަތް ފަށައިފައިވާ ކަމަށް ހައުސިން މިނިސްޓްރީން ބުނެފި އެވެ.
ހައުސިން މިނިސްޓްރީން އެކްސްގައި މިއަދު ކުރި ޕޯސްޓެއްގައި ބުނީ، އަލިފާނުގެ ހާދިސާގައި މާލޭގެ މެޕުގެ މުހިންމު ބައެއް މަންޒަރުތައް ގެއްލުނު ކަމަށެވެ. އެހެންވެ، ޑްރޯން ބޭނުން ކޮށްގެން މާލޭގެ މެޕިންގެ މަސައްކަތް ކުރަމުން އަންނަ ކަމަށް ހައުސިންއިން ބުންޏެވެ،
އަލިފާނުގެ ހާދިސާ ހިނގި ދެ އިމާރާތުގައި ސިޓީ ކައުންސިލްގެ އިދާރާއެއްގެ އިތުރުން ހައުސިން މިނިސްޓްރީއާއި އެންވަޔަރަމެންޓް މިނިސްޓްރީއާއި އިންފްރާންސްޓަކްޗަރު މިނިސްޓްރީގެ އިތުރުން އެންވަޔަރަންމެންޓަލް ޕްރޮޓެކްޝަން އެޖެންސީ (އީޕީއޭ)އެވެ.
އެ އޮފީސްތައް މިހާރު ވަގުތީ ގޮތުން ހިންގަނީ ދަރުބާރުގޭގައެވެ.
