ހުސްވި ހަފްތާގެ ބުރާސްފަތި ދުވަހު ހިނގައިދިޔަ އަލިފާނުގެ ހާދިސާގައި އަނދައިގެން ދިޔަ މިނިސްޓްރީ ތަކުގެ މަސައްކަތް ދަރުބާރުގޭގައި މިއަދު ފަށައިފިއެވެ.
މިނިސްޓްރީ ތަކުގެ މަަސައްކަތް ވަގުތީ ގޮތުން ދަރުބާރުގޭގައި މިއަދު ފެށިއިރު، އަލިފާން ރޯވެ ހުލިވެގެން ދިޔައީ ހައުސިން މިނިސްޓްރީ އާއި އިންފްރާންސްޓްރަކްޗާ މިނިސްޓްރީ އާއި އެންވަޔަރަމަންޓް މިނިސްޓްރީއެވެ. މި ތިން މިނިސްޓްރީގެ މަސައްކަތް ދަރުބާރުގޭގައި ކުރިޔަށް ދަނީ ތިން މާލަމެއްގައެވެ. އެ މިނިސްޓްރީ ތަކުގެ ހުރިހާ މުވައްޒަފުންވެސް މިއަދު ވަޒީފާއަށް ނުކުމެފައި ވަނީ ދަރުބާރުގެއަށެވެ. މި ތިން މިނިސްޓްރީގެ އިތުރުން މާލެ ސިޓީ ކައުންސިލު އިދާރާގެ ބަޔެއްވެސް އެތަނުގައި ވަނީ އަނދައިގެން ގޮސްފައެވެ.
ބުރާސްފަތި ދުވަހު ހެނދުނު ރޯވި އަލިފާންގަނޑު ކޮންޓްރޯލް ކުރެވުނީ އެދުވަހު އިރު އޮއްސެނިކޮށެވެ. އޭރު އެ ތަންތަން ވަނީ ބޭނުން ނުކުރެވޭ ވަރަށް އަނދައި ބިމާ ހަމަވެފައެވެ. އަލިފާނުގެ ސަބަބުން
ފުލުހުން ބުނެފައި ވަނީ އަލިފާނުގެ ހާދިސާ ތަހުގީގު ފަށާފައިވާ ކަމަށާއި އެކަމުގައި ބޭރުގެ ތަޖުރިބާކާރުންގެ އެހީވެސް ފުލުހުން ހޯދާނެ ކަމަށެވެ.
