ބްރޯޑްކޮމްއަށް 2 މެންބަރުން އައްޔަން ކުރަން 12 ބޭފުޅެއްގެ ނަން ފޮނުވައިފި

ބްރޯޑްކޮމްއަށް 2 މެންބަރުން އައްޔަން ކުރަން 12 ބޭފުޅެއްގެ ނަން ފޮނުވައިފި

މޯލްޑިވްސް ބްރޯޑްކާސްޓިން ކޮމިޝަން (ބްރޯޑްކޮމް) ގެ ހުސްވެފައިވާ މެންބަރު ކަމުގެ ދެ މަގާމަށް ދެ ބޭފުޅުން އައްޔަން ކުރުމަށް 12 ބޭފުޅެއްގެ ނަން، ރައީސުލްޖުމްހޫރިއްޔާ ޑރ. މުހައްމަދު މުއިއްޒު ރައްޔިތުންގެ މަޖިލީހަށް ފޮނުއްވައިފިއެވެ.

ބްރޯޑްކޮމްގެ ދެ މެންބަރުންގެ މަގާމު ހުސްވެފައިވަނީ، އެ ކޮމިޝަންގެ ރައީސް ކަމުގެ މަގާމުގައި ހުންނެވި، މަރިޔަމް ވަހީދާ އާއި އަލީ ޔޫސުފްގެ މެންބަރުކަމުގެ މުއްދަތު މިމަހުގެ ފަހަކަށް ހަމަވެފައިވާތީއެވެ.

މިކަމާ ގުޅިގެން ރައީސް ޑރ. މުހައްމަދު މުއިއްޒު މަޖިލީހަށް ފޮނުއްވި ސިޓީފުޅުގައި ވިދާޅުވެފައިވަނީ، އެ ކޮމިޝަންގެ މެންބަރުކަމަށް ކުރިމަތިލެއްވި ފަރާތް ތަކުގެ ލިސްޓު ފޮނުއްވާފައި ވަނީ ކޮމިޝަންގެ މެންބަރު ކަމަށް ބޭފުޅުން އައްޔަން ކުރަން އެމަނިކުފާނަށް ފެނިވަޑައިގަންނަވާ ތަރުތީބުން ކަމަށެވެ.

އެހެން ކަމުން އެ ދެބޭފުޅުންގެ ނަން މަޖިލީހުގެ ފާސްކޮށް ދެއްވުމަށް ރައީސް ވަނީ އެމަނިކުފާނުގެ ސިޓީފުޅުގައި އެދިވަޑައިގެންފައެވެ.

ބްރޯޑްކޮމްއަށް 2 މެންބަރުން އައްޔަން ކުރަން ރައީސް މަޖިލީހަށް ފޮނުއްވި 12 ބޭފުޅުންގެ ލިސްޓު:

1- މުހައްމަދު އަބްދުﷲ، އުސްއަކުރުގެ، ހއ. އިހަވަންދޫ

2- އިބްރާހިމް މުއާޒު އަލީ، ހަޒާރުމާގެ، ނ. ފޮއްދޫ

3- އިބްރާހިމް އަޝްރަފް، ވ. މަށިވެލި

4- ލެފްޓިނެންޓް ކާނަލް ރިޓަޔާޑް ޒުބެއިރު އަހުމަދު މަނިކު، ގ. މަލްވިނަ

5- އަބްދުﷲ ހުމެއިދު، ފަޒާ، ޅ. ހިންނަވަރު

6- އާއިޝަތު ދިޔާނާ ތޯހިރު، ސެވަން ސްޓާ، ސ. ހިތަދޫ

7- އައިމިނަތު ސަރާހަރު އިއްޒަތު، ގ. ގޮފި

8- ޝިމްލާ އަހުމަދު، އާސްޓްރަލްގެ، ސ. ހިތަދޫ

9- އިސްމާއީލް ޝަފީގު، މ. ސްލީޓް

10- ޝިފްޒާ މުސްތަފާ އާސާން، މާދަނޑު، ޏ. ފުވައްމުލައް

11- އަލީ ނިޝާން، ގ. ކޫލްގްރާސް

12- މުހައްމަދު ޝަމީން، ހ. ޕްރިޓީވިލާ

މިކަމަށްޓަކައި ރައީސުލްޖުމްހޫރިއްޔާ ޑރ. މުހައްމަދު މުއިއްޒު މަޖިލީހަށް ފޮނުއްވި ސިޓީފުޅު މަޖިލީހުގެ މިއަދުގެ ޖަލްސާއަށް މަޖިލީހުގެ އަމީން އާއްމު އިއްވުމުން، އެ މައްސަލަ އިތުރަށް ދިރާސާ ކުރުމަށް މަޖިލީހުގެ މިނިވަން މުއައްސަސާތަކުގެ ކޮމިޓީއަށް ފޮނުއްވިކަން މަޖިލިސް ރައީސް އިއުލާން ކުރެއްވިއެވެ.

ހިޔާލުފާޅު ކުރައްވާ!

Leave a Reply

Your email address will not be published. Required fields are marked *