ހައުސިން އަދި އިންފްރާސްޓްރަކްޗާ މިނިސްޓްރީ ހިންގާ އިމާރާތުގައި ޓިނުން ހަދާފައި ހުރި އިމާރާތް ބިމާ ހަމަވެއްޖެ އެވެ.

އަލިފާންގަނޑު ރޯވީ އެންވަޔަރަމެންޓު މިނިސްޓްރީ ހުންނަ ގްރީން ބިލްޑިންގަ އެވެ. ރޯވި ހުޅުގަނޑު ކައިރީގައި ހުރި އިމާރާތްތަކަށް ފެތުރި، އެންމެ ބޮޑު ގެއްލުމެއް ލިބުނީ މި ޓިނު އިމާރާތަށެވެ.

އަލިފާން ރޯވިތާ ގަނޑިއެއްހާއިރު ވެފައިވާއިރު އަދިވެސް ކޮންޓްރޯލް ކުރެވިފައެއް ނުވެއެވެ. އިމާރާތުގެ ބައެއްގައި ރޯވި ނަމަވެސް މިހާރު ވަނީ ހައުސިން މިނިސްޓްރީ ހިންގާ މުޅި އިމާރާތަށް އަލިފާންގަނޑު ފެތުރިފައެވެ.

އެމްއެންޑީއެފް އިން ބުނީ އެ އިމާރާތް ވަަށައިގެން ހުރި އެހެން އިމާރާތްތަކުންވެސް މިހާރު މީހުން ހުސްކޮށްފައިވާ ކަމަށެވެ. މިހާރު ބޮޑަށް މަސައްކަތް ކުރަމުން ދަނީ އެހެން އިމާރާތްތަކަށް އަލިފާން ފޯރިޔަ ނުދިމުމަށް ކަމަށްވެސް ބުންޏެވެ.

އަޕްޑޭޓް:

11:40- ރޯވި އަލިފާން ގަނޑު މިހާރު ވަނީ ކޮންޓްރޯލުވެފައެވެ. ނަމަވެސް އަލިފާންގަނޑު ކޮންޓްރޯލްވީއިރު، އިމާރާތް ވަނީ އަނދައި ހުލިވެފައެވެ.