އާރުޑީސީން ވަކިކުރި 24 މީހަކު، އެކުންފުންޏާ ދެކޮޅަށް ޓްރައިބިއުނަލަށް

އާރުޑީސީން ވަކިކުރި 24 މީހަކު، އެކުންފުންޏާ ދެކޮޅަށް ޓްރައިބިއުނަލަށް

ރޯޑް ޑިވެލޮޕްމެންޓް ކޯޕަރޭޝަން (އާރުޑީސީ)ގެ ވަޒީފާއިން ވަކިކުރި 24 މީހަކު، އެ ކުންފުންނާ ދެކޮޅަށް ވަޒީފާއާބެހޭ ޓްރައި ބިއުނަލަށް ހުށަހެޅި މައްސަލައަށް ބޭނުންވާ ލިޔެކިއުންތައް ހޯދުމަށްޓަކައި ނެރެދިނުމަށް އެދުނު ވަގުތީ އަމުރު ނެރެދެވޭނެ ތަނެއް ނެތްކަމަށް ޓްރައިބިއުނަލުން ނިންމައިފިއެވެ.

މި މައްސަލަ ހުށަހެޅި ފަރާތްތަކުން ޓްރައި ބިއުނަލްގައި އެދިފައި ވަނީ، އެމީޙުން ވަޒީފާއިން ވަކި ކޮށްފައިވަނީ އެކަށީގެންވާ ސަބަބެއް ނެތި ކަމަށް ކަނޑައަޅައިދިނުމަށާއި، އެ ފަރާތްތައް އަދާކުރަމުންދިޔަ ވަޒީފާ އިއާދަކޮށްދިނުމަށާއި، އެއީ ވަޒީފާއިން ވަކިވެފައިވާ ފަރާތްތަކެއް ކަމަށް ނުބެލުމަށް އާރުޑީސީގެ މައްޗަށް އަމުރުކޮށްދިނުމަށާއި، ވަޒީފާއިން ވަކިކުރިކަމަށް ބުނެފައިވާ މުއްދަތުގެ މުސާރަ އާއި އިނާޔަތްތައް ނަގައި ދިނުމަށެވެ.

ނަމަވެސް އެ މައްސަލަ ޓްރައިބިއުނަލުން ކުރިއަށް ގެންދާއިރު، އިތުރު ވަގުތީ އަމުރެއް ނެރެދިނުމަށްވެސް އެ ފަރާތްތަކުން ޓްރައި ބިއުނަލްގައި އެދިފައިވެއެވެ.

އެ ފަރާތްތަކުގެ ވަޒީފާގެ އެއްބަސްްވުމާއި، ވަޒީފާގެ ބަޔާނާއި، އާރުޑީސީގައި ރައްކާކޮށްފައިވާ، އެފަރާތްތަކާއި އާރުޑީސީއާ ދެމެދު ކޮށްފައިވާ މުއާމަލާތް ތަކުގެ ހުރިހާ ލިޔެކިއުމެއްގެ ކޮޕީ، ވަގުތުން ވަގުތަށް އެފަރާތްތަކަށް ހަވާލު ކުރުމަށް އަމުރު ކޮށްދިނުމަށެވެ.

އެގޮތަށް އަމުރު ނުނެރެފިނަމަ، ލިބޭނެ ގެއްލުންތަކުގެ ތެރޭގައި، ވަޒީފާއިން ވަކިކުރުމުގެ މައްސަލަ ޓްރައިބިއުނަލަށް ހުށަހެޅުމަށް އޮތް ފުރުސަތު ގެއްލުމާއި، ޓްރައިބިއުނަލްގައި އަދުުލުވެރިކަމާއެކު ވަޒީފާއިން ވަކިކުރިކަން ސާބިތު ކޮށްދިނުމަށް އޮތް ފުރުސަތު ގެއްލިގެންދާނެ ކަމަށްވެސް ބުނެފައިވެއެވެ.

 

މީގެ އިތުރުން ވަޒިފާގެ އެއްބަސްވުމާއި، ވަޒީފާގެ ބަޔާނުގެ އިތުރުން ވަޒީފާއިން ވަކި ކުރުމާ ގުޅިގެން ލިޔެކިއުމުން މުއާމަލާތްކޮށްފައިވާ އެންމެހާ މުއާމަލާތްތައް ހޯދަން އެދޭ ކަަމަށާއި، ޓްރައިބިއުނަލަށް، ހުށަހެޅޭ މައްސަލަަތަކުގައި މުވައްޒަފަށް ލިބެމުންދިޔަ މުސާރަ އާއި އިނާޔަތްތައް ބަޔާންކޮށްދޭން ޖެހޭނީ އެ މައްސަލައެއް ހުށަހަޅާ ފަރާތަކުން ކަމަށްވާތީ އާއި އެއްބަސްވުމުގައިވާ އަސާސީ ކަންކަމާގުޅިގެން މި މައްސަލަތަކުގައި، ބަހުސް ކުރުން މުހިއްމު ކަމުގައި ދެކޭތީ ރިޑަންޑަންސީ އާގުޅޭ ލިޔެކިއުމަކީ މި މައްސަލަަތަކާ ގުޅޭ މުހިއްމު ލިޔެކިއުންތަކެއް ކަމަށްބުނެ، މި ލިޔެ ކިއުންތައް ހުށަހެޅުމަށް އާރުޑީސީގެ މައްވަށް ވަގުތީ އަމުރެއް ނެރެދިނުމަށްވެސް އެފަރާތް ތަކުން ވަނީ އެދިފައެވެ.

މައްސަލައާބެހޭ ވަގުތީ އަމުރާ ބެހޭގޮތުން އާރުޑީސީން ބުނެފައި ވަނީ، އެ ލިޔެކިއުންތައް ނުލިބިއްޖެނަމަ މައްސަލަ ޓްރައިބިއުނަލަށް ހުށަހެޅުމުގެ ފުރުސަތު ގެއްލޭނެ ކަމަށް އެމީހުން ބުނެފައިވާއިރު، މިހާރުވެސް މައްސަލަ ޓްރައިބިއުނަލަށް ހުށަހަޅާފައިވާ ކަމަށެވެ. އަދި މައްސަލަ ހުށަހެޅި ފަރާތްތަކަށް ޤާނޫނީ ގޮތުން ހިމާޔަތް ލިބެންޖެހޭ މައުލޫއީ ހައްގެއް ނެތް ކަމަށްވެސް ބުނެފައިވެއެވެ.

ޓްރައިބިއުނަލަށް ހުށަހެޅޭ މައްސަަލަތަކުގައި އެމީހާ ވަޒީފާއިން ވަކިކޮށްދިނީ ރަނގަޅަށްކަން ވަޒީފާއާބެހޭ ޤާނޫނުގެ ދަށުނ ސާބިތު ކޮށްދިނުމަކީ ވަޒީފާ ދޭ ފަރާތުގެ ޒިންމާއެއް ކަމަށާއި، މައްސަލަ ހުށަހެޅި ފަރާތްތަކުން ބުނެފައިވާ ފަދަ ގެއްލުމެއް މި މައްސަލަަކުގައި އެފަރާތްތަަކަށް ލިބޭނެ ކަމަށް ނުދެކޭ ކަމަށްވެސް އާރުޑީސީން ވަނީ ބުނެފައެެވެ.

އާރުޑީސީއާ އެފަރާތްތަކާދެމެދު ކުރެވިފައިވާ އެންމެހާ މުއާމަލާތްތަކުގެ ކޮޕީ ހުށަހެޅުމަށް އެދިފައިވާއިރު، މިއީ ވަރަށް ފުޅާކޮށް މާނަ ކުރެވިދާނެ ކަމެއް ކަމަށްވާތީ، ފޯރުކޮށްދޭން ބޭނުންވަނީ ވަކިން، ކޮން ލިއުމެއްކަން ނޭނގޭއިރު، މިފަދަ އަމުރެއް ޓްރައިބިއުނަލުން ނެރެދީފިނަމަ، އެއާއެއްގޮތަށް އަމަލު ކުރުމަށް އާރުޑީސީން ނުކުޅެދިގެންދާނެ ފަދަ އަމުރަކަށް ވެދާނެ ކަމަށްވެސް ބުނެފައިވެއެވެ.

މައްސަލައެއްގައި ވަގުތީ އަމުރަކަށް އެދޭނަމަ އެދެންވާނީ ޓްރައިބިއުނަލުގައި އެކަމަށް ހާއްސަ ކޮށްފައިވާ ފޯމުން ކަމަށް ޓްރައިބިއުނަލްގެ ގަވާއިދުގައި ބުނެފައިވާއިރު، ވަގުތީ އަމުރު ނެރެދިނުމަށް މައްސަލަ ހުށަހެޅި ފަރާތްތަކުން ހުށަހަޅާފައި ވަނީ އެކަމަށް ޚާއްސަކޮށްފައިވާ ފޯމުން ނޫން ކަަމަށްވާތީ، އެ 24 މީހުން ވަގުތީ އަމުރެއް ނެރެދިނުމަށް ހުށަހަޅާފައިވާ މައްސަލައަކީ އިޖުރާއަތްތަކާ ޚިލާފަށް ހުށަހަޅާފަިއވާ ހުށަހަޅާފައިވާ މައްސަލައެއް ކަަމަށްވެސް އާރުޑިސީން ބުނެފައިވެއެވެ.

މީގެތެެރެއިން ވަގުތީ އަމުރުގެ މައްސަލައިގައި ދެފަރާތުން ދެއްކި ވާހަކަ ތަކަށް ބަލައި، ޓްރައިބިއުނަލުން ބުނެފައި ވަނީ، ވަގުތީ އަމުރަށް އެދިފައިވަނީ، މައްސަލަ ހުށަހަޅާފޯމުން ކަަމަށްވާތީ، އެއީ އިޖުރާއަތްތަކާ ޚިލާފަށް ހުށަހަޅާފައިވާ މައްސަލައެއް ކަމަށް ބެލެވެން ނެތް ކަމަށެވެ.

ވަޒީފާއިން ވަކިކުރީ އެކަށީގެންވާ ސަބަބެއް އޮވެގެންކަން ސާބިތު ކޮށްދިނުމަކީ ވަޒިފާ ދޭ ފަރާތުގެ ޒިންމާއެއް ކަމަށް ވަޒީފާއާބެހޭ ގާނޫނުގައި އޮންނާތީ، އެމީހުން ވަޒީފާއިން ވަކިކުރީ ރަނގަޅަށްކަން ސާބިތު ކޮސްދިނުމަކީ އާރުޑީސީގެ ޒިންމާއެއް ކަމަށްވެސް ބުނެފައިވެއެވެ. އަދި އެ ފަރާތް ތަކުން ހޯދަން އެދިފައިވާ ލިއުމަކީ ކޮބައިކަން ސާފުވާނެހެން، އެ ލިޔެކިއުން ހޯދަން އެދޭ ސަބަބާއެކު، ހުށަހެޅުމުން އެއީ މި މައްސަަލަތަކުުގައި އަދުލުވެރި ފައިސަލާއަކަށް ވާސިލްވުމަށް ބޭނުން ލިއުމެއް ކަމަށް މައްސަސަލ ބަލާ މަޖިލީހަށް ފެންނަނަމަ، މި މައްސަލަތައް މައުލޫއީގޮތުން ކުރިއަށްދާ މަރުހަލާގައި، އެ ލިޔެކިއުންތައް ހުށަހެޅުމަށް އާރުޑީސީގެ އަމުރު ކުރާނެ ކަމަށްވެސް ބުނެފައިވެއެވެ.

އެހެންކަމުން ފަރާތްތަކުން ނެރެދިނުނަށް އެދިފައިވާ ވަގުތީ އަމުރު ނެރުމަކާ ނުލައި އަސްލު މައުލޫއީ ދައުވާ ލަސްވެގެން ހިނގައްޖެނަމަ މައްސަލަ ހުށަހެޅި ފަރާތްތަކަށް ކުރިމަތިވެދާނެ، އަދާ ނުކުރެވޭފަދަ އަދި އިއާދަ ނުކުރެވޭ ފަަދަ ގެއްލުމެއް ނުވަތަ ނުރައްކަލެއް އޮތްކަމަށް ނުފެންނާތީ، މައްސަލަ ހުށަހެޅި ފަރާތްތަކުން ނެރެދިނުމަށް އެދިފައުވާ ވަގުތީ އަމުރު ނެރެދެެވޭނެ ތަނެއް ނެތްކަަށް ޓްރައިބިއުނަލް ވަނީ ކަނޑައަޅައިފައެވެ.

ހިޔާލުފާޅު ކުރައްވާ!

Leave a Reply

Your email address will not be published. Required fields are marked *