އިންޑިއާއިން ރާއްޖެއަށް ކަނޑައަޅުއްވާފައި ހުންނަވާ އާ ސަފީރަކަށް ޖީ ބަލަސުބްރަމަނިއަން ހަމަޖައްސައިފި އެވެ.
އިންޑިއާގެ އެކްސްޓާނަލް އެފެއާޒް މިނިސްޓްރީން މިއަދު ނެރުނު ނޫސްބަޔާނެއްގައި ބުނީ ރާއްޖެއަށް އަލަށް ކަނޑައެޅުއްވި ސަފީރަކީ ޖީ ބަލަސުބްރަމަނިކް ކަމަށެވެ. ރާއްޖޭގެ ސަފީރުކަމާ ވަރަށް އަވަހަށް ސުބްރަމާނިއަން ހަވާލުވެވަޑައިގަންނަވާނެ ކަމަށް އެކްސްޓާނަލް އެފެއާޒް މިނިސްޓްރީން ބުންޏެވެ.
އިންޑިއާއިން ރާއްޖެއަށް ކަނޑައަޅުއްވާފައި ހުންނަވާ ސަފީރަކަށް މިހާރު ހުންނަވަނީ މުނޫ މަހާވަރު އެވެ. އޭނާ އެ މަގާމަށް އައްޔަނު ކުރީ ނޮވެމްބަރު 10، 2021 ގަ އެވެ.
ބަލަސުބްރަމަނިއަން އަކީ އިންޑިއާއިން ނައިޖީރިއަށް ކަނޑައަޅުއްވާފައި ހުންނެވި ސަފީރެވެ. މީގެ ކުރިން 1998 ވަނަ އަހަރު އިންޑިއާގެ ހާރިޖީ ހިދުމަތަށް ނުކުމެވަޑައިގެންނެވި ސުބްރަމަނިއަން ވަނީ މޮސްކޯ އާއި ވޮޝިންޓަންގެ އިތުރުން ބެންކޮކްގެ އިންޑިއާ މިޝަންތަކުގައި މަސައްކަތް ކުރައްވަައިފަ އެވެ.
އޭގެ އިތުރުން ސުބްރަމަނިން އަކީ އިންޑިއާގެ އެކްސްޓާނަލް އެފެއާސް މިނިސްޓަރީގައި މަސައްކަތް ކުރެއްވި ބޭފުޅެކެވެ
