އިއްޔެ އޮތް ރައްޔިތުންގެ މަޖިލީހުގެ ޖަލްސާ ހެނދުނު ފެށުމާއެކު، ސަރުކާރުގެ ފަރާތުން ޤާނޫނުއަސާސީއަށް އިސްލާޙުތަކެއް ހުށަހަޅައި އިރުއޮއްސެން ދަނިކޮށް، އެ އިސްލާޙުތައް ފާސް ކުރުމާއެކު ކުރީގެ ރައީސް މައުމޫން އަބްދުލްގަތްޔޫމް އެކަމާމެދު ސުވާލެއް ކުރައްވައިފިއެވެ.
އެކްސްގައި ރައީސް މައުމޫން ކުރެއްވި ސުވާލުގައި އިތުރު އެއްޗެއް ވިދާޅުނުވެ ހަމައެކަނި ދޫކޮށްލެއްވީ ސުވާލު އެކަންޏެވެ. އެއީ ހަ ގަޑިއިރު ތެރޭގައި ޤާނޫނުއަސާސީއަށް އިސްލާހު ހުށަހަޅައި، އެ އިސްލާހު ފާސް ކުރުމަކީ ދުނިޔޭގެ ރެކޯޑެއްތޯ ކުރެއްވި ސުވާލެވެ.
"6 ގަޑިއިރު ތެރޭގައި ޤާނޫނު އަސާސީއަށް އިސްލާހު ހުށަހަޅައި އެ އިސްލާހު ފާސްކުރުން- ދުނިޔޭގެ ރެކޯޑެއްތޯ" ރައީސް ސުވާލުގައި ލިޔުއްވާފައިވެއެވެ.
މިކަމާމެދު އެމަނިކުފާނު އިތުރަށް ވާހަކަފުޅު ދައްކަވާފައި ނުވެއެވެ.
ޤާނޫނުއަސާސީއަށް އިއްްޔެ ގެނައި އިސްލާހު، ކުއްލި ގޮތަަކަށް ހުށަހަޅައި، ފާސްކުރުމާއެކު އިދިކޮޅު ސިޔާސީ ފަރާތްތަކާއި އިދިކޮޅު ބަޔެއް ސިޔާސީ ލީޑަރުން ދަނީ އެކަމަށް ވަރަށް ބޮޑަށް ފާޑު ވިދާޅުވެ ހިތްހަމަނުޖެހުން ފާޅު ކުރައްވަމުންނެވެ. އަނެއްކޮޅުން ސަރުކާރާއި ސަރުކާރަށް ތާއީދުކުރާ ފަރާތްތަކުން ދަނީ އެކަން ދިފާއު ކުރައްވަމުންނެވެ.
