މޯލްޑިވްސް މީޑިޔާ ކައުންސިލް (އެމްއެމްސީ) މެންބަރުން ހާޒިރުކުރި، ރައްޔިތުންގެ މަޖިލީހުގެ މިނިވަން މުއައްސަސާތަކުގެ ކޮމިޓީގެ މިއަދުގެ ބައްދަލުވުން ސިއްރު ކޮށްފިއެވެ.
ކޮމިޓީގެ މިއަަދުގެ ބައްދަލުވުން ސިއްރު ކުރަން ހުށަހެޅުއްވީ، ކެލާ ދާއިރާގެ މެންބަރު އަބްދުﷲ ޝަރީފެވެ. ތާއީދު ކުރެއްވީ، ފުވައްމުލަކު ދެކުނު ދާއިރާގެ މެންބަރު އިބްރާހިމް ހުސެއިން އެވެ.
އެމްއެމްސީއާ ބެހޭގޮތުން ކޮމިޓީއަށް ގިނަ މައްސަލަތަކެއް ވަނީ ހުށަހަޅައިފައެވެ. އޭގެތެރޭގައި ރައީސުލްޖުމްހޫރިއްޔާ އާއި ސަރުކާރުގެ އިސް ވެރިންނާއި ސަރުކާރުުގެ އިދާރާތަކާ ގުޅޭގޮތުން ދޮގު ޚަބަރު ފަތުރާ މީޑިޔާ ތަކަށް ފިޔަވަޅުނާޅާ މައްސަލަ ހިމެނެއެވެ.
އެ މައްސަލަަތައް ކޮމިޓީއަށް ހުށަހަޅާފައި ވަނީ، ރައީސުލްޖުމްހޫރިއްޔާ އޮފީހުގެ ސްޓްރެޓެޖިކް ކޮމިއުނިކޭޝަން މިނިސްޓަރު އިބްރާހިމް ޚަލީލެވެ.
އެމްއެމްސީގެ މެންބަރުން ކޮމިޓީއަށް ހާޒިރު ކޮށްފައިވާއިރު، މިއަހަރު ނޫސްވެރިކަމުގެ އެވޯޑް ދިން ގޮކާމެދުވެސް ބޮޑެތި މައްސަލަތަކެއްް ވަނީ ފެންމަތިވެފައެވެ. މިނިވަން މުއައްސަސާތަކުގެ ކޮމިޓީއަށް އިއްޔެވެސް އެމްއެމްސީގެ މެންބަރުން ހާޒިކުރިއެވެ. ނަމަވެސް އެ ބައްދަލުވުންވެސް ކުރިއަށް ގެންދިޔައީ ސިއްރު ބައްދަލުވުމެއްގެ ގޮތުގައެވެ.
