ޖުމްހޫރީ ވެރިކަމެއްގައި އެންމެ ބޮޑު ބާރަކީ ރައްޔިތުންގެ ބާރު ކަމަށާއި، އެ ބާރު ދަމަހައްޓަން އާ ހިތްވަރަކާއެކު މިއަދު މަސައްކަތް ކުރަން ޖެހިފައިވާ ކަމުގައި ކުރީގެ ރައީސް އިބްރާހީމް މުޙަންމަދު ސޯލިހު (އިބޫ) ވިދާޅުވެއްޖެއެވެ.
ރައީސް ސޯލިހު މިފަދައިން ވިދާޅުވީ މިއަދު ފާހަގަ ކުރަމުންދާ ޖުމްހޫރީ ދުވަހުގެ ތަހުނިޔާގެ މެސެޖާއެކު މިއަދު ކުރެއްވި ޓްވީޓެއްގައެވެ.
ސޯލިހު ވިދާޅުވީ، ޖުމްހޫރިއްޔަތެއްގައި ދައުލަތުގެ ބާރުތައް ފެށެނީ ރައްޔިތުންގެ ކިބައިން ކަމަށެވެ. އަދި ރައްޔިތުންގެ އަތުގައި އޮތް ބާރު ދެމެހެއްޓުމަކީ ޖުމްހޫރިއްޔަތެއްގައި އެންމެ މުހިންމު އަސާސް ކަމަށެވެ.
"ޤައުމުގެ އެންމެހާ ކަންކަމުގައި ރައްޔިތުންނަށް ލިބިދީފައިވާ ބާރުތައް ދެމެހެއްޓުމަކީ ޖުމްހޫރިއްޔަތެއްގެ އެންމެ މުހިއްމު އަސާސް ކަމުގަ ވީހިނދު މިއަދު މި ވަނީ މި މަސައްކަތް އާ ހިތްވަރަކާއެކު ކުރަންޖެހިފަ" ސޯލިހު ވިދާޅުވިއެވެ.
ޖުމްހޫރީ ދުވަހުގެ ގޮތުގައި ރާއްޖޭގައި ފާހަގަ ކުރަމުން އަންނަނީ 11 ނޮވެމްބަރެވެ. އެއީ ދިވެހިރާއްޖޭގައި ޖުމްހޫރީ ވެރިކަމެއް ފެށިގެން އައި ތާރީޚީ ދުވަހެވެ.
