އެމެރިކާގައި ބޭއްވި ރިޔާސީ އިންތިޚާބުގައި ޑިމޮކްރެޓްސްގެ ރިޔާސީ ކެންޑިޑޭޓް އަދި މިހާރުގެ ނައިބު ރައީސް ކަމަލާ ހެރިސްގެ މައްޗަށް ކާމިޔާބީ ހޯއްދަވައި، އެމެރިކާގެ ރައީސް ކަމުގެ މަގާމު ދެވަނަ ފަހަރަށް ޑޮނަލްޑް ޓްރަމްޕް ކާމިޔާބު ކުރައްވައިފިއެވެ.

އިންތިޚާބުގައި ލާފައިވާ ވޯޓުން މިހާތަނަށް ގުނައި ނިމިފައިވާ ވޯޓަށް ބަލާއިރު، ޓްރަމްޕްއަށް ވަނީ 51.1 ޕަސެންޓް ވޯޓު ލިބިވަޑައިގެންފައެވެ. ކަމަލާއަށް ލިބިވަޑައިގެންފައި ވަނީ 47.4 ޕަސެންޓް ވޯޓެވެ. އެމެރިކާގެ ގިނަ ސިޓީތަކުން ޓްރަމްޕް ވަނީ ކުރި ހޯއްދަވާފައެވެ.

މިނަތީޖާއާއެކު ޓަރަމްޕްވެސް ވަނީ ކާމިޔާބީ އިއުލާނު ކުރައްވާފައެވެ. އަދި ދުނިޔޭގެ އެކި ގައުމުތަކުގެ ރައީސުންވެސް ދަނީ ޓްރަމްޕަށް މަރުޙަބާ ވިދާޅުވަމުންނެވެ.