ސްރީލަންކާގެ ރައީސް ކަމުގެ ބުރަ މަސްއޫލިއްޔަތާއި މިއަދު ހަވާލުވެވަޑަތްއިރު، ގައުމުގެ ކަންކަން ހަމައަކަށް އެޅުވުމުގައި ސްރީލަންކާގެ ހުރިހާ ރައްޔިތުންގެ އެއްބާރުލުމަށް، ރައީސް އަނުރަ ކުމާރަ ޑިސާނައިކަ އެދިވަޑައިގެންފިއެވެ.
ރައީސް ކަމުގެ ހުވާ ކުރެއްވުމަށްފަހު، ގައުމާއި މުޚާތަބު ކުރައްވައި ދެއްކެވި ވާހަކަފުޅުގައި ރައީސް ޑިސަނާއިކަ ވިދާޅުވީ އޭނާއަކީ ގާދޫގަރެއް ނޫން ކަމަށެވެ. އެހެންވެ އެނގިވަޑައިގަންނަވާ ކަންކަމާއި އެނގިވަޑައި ނުގަންނަވާ ކަންކަވެސް އެބަހުރި ކަމަށެވެ. އެހެންކަމުން ގައުމުގެ ކަންކަމުގައި އެންމެންގެ އެއްބާރުލުން ބޭނުންފުޅު ކަމަށް ވިދާޅުވިއެވެ.
ރައީސް ޑިސަނަޔަކަ ވިދާޅުވީ ސްރީލަންކާއަށް ގިނަ މައްސަލަތަކެއް ދިމާވެފައިވާ ކަމަށެވެ. އަދި އެކަންކަމުގެ ނާޒުކުކަން ވިސްނިވަޑައިގަންނަވާ ކަމަށް ވިދާޅުވިއެވެ. އެކަންކަމުގައި ކުރިޔަށް ވަޑައިގަންނަވާނީ ރައްޔިތުން އުންމީދުކުރި ނަތީޖާއާއި ހަމައަށް ދިޔުމަށްޓަކައި ކަމަށް ވިދާޅުވިއެވެ.
ރައީސް ޑިސަނަޔަކަ ވިދާޅުވީ ސްރީލަންކާގެ ރައްޔިތުންގެ އިތުބާރު ހޯދުމަށް ކުރެވެން ހުރި ހުރިހާ ކަމެއް ކުރައްވާނެ ކަމަށާއި، ގައުމުގެ އިގްތިސޯދު ހަމައަކަށް އެޅުވުމަށް ތަޖުރިބާކާރުންގެ ލަފާ ހޯއްދަވައިގެން ގިނަ މަސައްކަތްތަކެއް ކުރައްވާނެ ކަމަށެވެ.
