މިނިސްޓްރީ އޮފް ސިޓީސް، ލޯކަލް ގަވަމަންޓް އެންޑް ޕަބްލިކް ވޯކްސްގެ ދަށުން ހިނގަމުންއައި ކޮމިއުނިކޭޝަންސް އޮތޯރިޓީ އޮފް މޯލްޑިވްސް (ކޭމް) މިނިސްޓްރީ އޮފް ހޯމްލޭންޑް ސެކިއުރިޓީ އެންޑް ޓެކްނޯލޮޖީގެ ދަށުން ހިނގަމުންދާ ތަނެއްގެ ގޮތުގައި ކަނޑަަޅައިފި އެވެ.

ރައީސް އޮފީހުން މިރޭ ބުނީ ރައީސް ޑރ. މުހައްމަދު މުއިއްޒު އެ ނިންމެވުން ނިންމީ މިއަދު ކަމަށެވެ.

މިއަދުން ފެށިގެން ކޭމް ހިންގަމުންދާނީ ހޯމް ލޭންޑުގެ ދަށުން ކަމަށް ރައީސް އޮފީހުން ބުންޏެވެ.

‎ރައީސްގެ އެ ނިންމެވުމަކީ ދިވެހިރާއްޖޭގެ ޖުމްހޫރިއްޔާގެ ޤާނޫނުއަސާސީގެ 116 ވަނަ މާއްދާގެ (ހ)އިން ރައީސުލްޖުމްހޫރިއްޔާއަށް ލިބިވަޑައިގަންނަވާ އިޚްތިޔާރުގެ ދަށުން ނިންމެވި ނިންމުމެއް ކަމަށް ރައީސް އޮފީހުން ބުންޏެވެ.