ރާއްޖޭގެ މަޝްހޫރު ވިޔަފާރިވެރިޔާ އަތަމާ އަބްދުއްލަތީފް އަވަހާރަ ވެއްޖެއެވެ.
އަތަމާ ޙައްޖު ގްރޫޕްގެ ނަމުގައި ގްރޫޕެއް އުފައްދަވައި، ގިނަ ބަޔަކު ހައްޖާއި އުމްރާއަށްވެސް ގެންގޮސް ޚިދުމަތް ދީފައިވާ އަބްދުއްލަތީފް އަވަހާރަވީ މިއަދުގެ ވަގުތެއްގައެވެ. އުމުރުފުޅުން 94 އަހަރުގައި އަބްދުއްލަތީފް އަވަހާރަވީ އޭޑީކޭ ހޮސްޕިޓަލުގައި ފަރުވާ ދެމުން ގެންދަނިކޮށެވެ.
އަބްދުއްލަތީފަކީ ޚިދުމަތުގެ އަގު ވަޒަން ކުރުމުގެ ގޮތުން ސަރުކާރުން ގައުމީ އިނާމުވެސް ލިބިވަޑައިގެންފައިވާ ބޭފުޅެކެވެ. އަލާސްކަންފުޅާ ޖެހެންދެންވެސް އަބްދުއްލަތީފް ވަނީ ވިޔަފާރީގެ ތެރޭގައި އުޅުއްވާފައެވެ.