ހުޅުމާލެ ނިރޮޅު މަގުގައި ތިން ސައިކަލު ޖެހި، މިއަދު ހަވީރު ނުރައްކާތެރި އެކްސިޑެންޓެއް ހިނގައިފިއެވެ.
ފުލުހުންގެ މީޑިއާ އޮފިޝަލަކު ވިދާޅުވީ ހުޅުމާލެ ނިރޮޅު މަގު އެއް ނަމްބަރު ފްލެޓް ކައިރީގަައި ތިން ސައިކަލެއް އެކްސިޑެންޓްވެފައިވާކަމުގެ މައުލޫމާތު މިއަދު ހަވީރު 16:35 ހާއިރު ފުލުހުންނަށް ލިބިފައިވާ ކަމަށެވެ.
މި އެކްސިޑެންޓްގައި ތިން މީހަކަށް ވަނީ އަނިޔާވެފައެވެ. ނަމަވެސް އެ މީހުންނަށް ލިބުނު އަނިޔާތަކުގެ ތަފްސީލެއް ނުލިބެއެވެ.
ފުލުހުން ވިދާޅުވީ، މި އެކްސިޑެންޓްގައި ސައިކަލުގައި ތިބި ތިން މީހުންނަށްވެސް އެކި ވަރުގެ އަނިޔާތައް ވެފައިވާ ކަމަށެވެ.
