އެމެރިކާގެ ނާއިބުރައީސާ ކާމަލާ ހެރިސް ކޯވިޑަށް ޕޮޒިޓިވް ވެއްޖެއެވެ.

ކާމަލާ ހެރިސްވަނީ މޮޑާނަރ ކޯވޮޑް ވެކްސިންގެ ދެ ޑޯޒް ފާއިތުވެދިޔަ 2021 ޖެނުއަރީމަހު ފުރިހަމަ ކޮށްފައެވެ. އަދި އޭގެ އިތުރުން ފުރަތަމަ ބޫސްޓަރ ޑޯޒް ޖައްސަވާފައިވަނި ފާއިތުވެދިޔަ އަހަރުގެ އޮކްޓޯބަރމަހުއެވެ. އަދި ދެވަނަ ބޫސްޓަރ ޑޯޒް ޖައްސަވާފައިވަނީ، މިއަހަރުގެ އެޕްރިލްމަހުގެ 1 ވަނަ ދުވަހުއެވެ.

ނާއިބު ރައީސާ ހެރިސް ކޯވިޑަށް ޕޮޒިޓިވް ވެފައި މިވަނީ، ފާއިތުވެދިޔަ ފިނި މޫސުމުގައި އެމެރިކާގައި އޮމިކްރޮން ވޭރިއެންޓްގެ ކޭސްތައް މަތިވެގެން ދިއުމަށްފަހު، ކޯވިޑާއި ދެކޮޅަށް އަޅާފައިވާ ގިނަ ފިޔަވަޅުތަކެއް އުވާލާފައި ވަނިކޮށެވެ.

ވައިޓް ހައުސްއިން ބުނެފައިވަނީ، ނާއިބު ރައީސާ ކޯވިޑަށް ޕޮޒިޓިވް ވެފައިވި ނަމަވެސް، ކޯވިޑްގެ އަލާމާތްތައް ފެންނާންހުރީ ވަރަށް ކުޑަކޮށް ކަމުގައެވެ. އަދި ކޯވިޑަށް ޕޮޮޒިޓިވް ވުމާއިގުޅިގެން ނާއިބު ރައީސާ މިހާރު މިހާރު ހުންނެވީ އެކަހެރި ވެވަޑައިގެންނެވެ.

ވައިޓް ހައުސްއިން ބުނެފައިވާ ގޮތުގައި، ފާއިތުވެދި މުއްދަތުގައި ކާމަލާ ހެރިސް ރައީސް ޖޯ ބައިޑްންއާއި ކޮންޓެކްޓެއް ވެފައެއް ނުވެއެވެ.

ތަފްސީލް އަންނަނީ..