ފުލުހުން ޖިނާއީ ތަހުޤީޤެއް ކުރުމަށް ކުރާ މަސައްކަތަކީ ނޫސްވެރިކަމަށް ދެވޭ ހަމަލާއެއް ނޫން ކަމަށް ދާޚިލީ ސަލާމަތާއި މަސައްކަތްތެރިކަމާއި ފަންނިއްޔާތާ ބެހޭ ވަޒީރު ޢަލީ އިޙްސާން ވިދާޅުވެއްޖެ އެވެ.
ވަޒީރު މިހެން ވިދާޅުވީ ރައީސް ޑރ. މުޙައްމަދު މުޢިއްޒުގެ މައްޗަށް ހެއްކެއް ނެތި ތުހުމަތުތަކެއް ކޮށް ރާއްޖޭގެ އޮންލައިން ނޫހަކުން ނެރުނު ޑޮކިއުމެންޓަރީ މައްސަލަ ފުލުހުން ބަލަމުންދާތީ، ކޯޓު އަމުރެއްގެ ދަށުން ނޫހުގެ އޮފީސް ބަލައި ފާސްކޮށްފައިވާ ހާލަތުގަ އެވެ.
މީސްމީޑިއާގައި ހިއްސާ ކުރެއްވި ޕޯސްޓެއްގައި ވަޒީރު ވިދާޅުވީ، ދޮގު ތުހުމަތުތަކެއް ފެތުރި ނޫސް އިދާރާއެއްގެ ޚިލާފަށް ޖިނާއީ ތަހުޤީޤެއް ހިންގުމަކީ ފުލުުހުުންނަށް ލިބިގެންވާ ފުރިހަމަ ހައްޤެއް ކަމަށާއި، އެއީ ވާޖިބެއް ވެސް ކަމަށެވެ.
ރައީސްގެ މައްޗަށް ހެއްކެއް ނެތި "ޒިނޭ" ފަދަ ބޮޑު ތުހުމަތެއް ކުރުމަކީ ނޫސްވެރިކަން ކަމަށް ޤަބޫލު ނުުކުރައްވާ ކަމަށް ވަޒީރު ވިދާޅުުވި އެވެ. ވަޒީރު ވިދާޅުުވީ ޤާނޫނީ ސިޔާދަތު އޮންނަ ކޮންމެ މުޖުތަމަޢެއްގައިވެސް، ދޮގު ތުުހުުމަތްކޮށް ، ފަރުދުންގެ ހިތްގައިމު ތަކެތި ހިފައިގަތް، ދޮގަށް ހޭލައި ފިތުނަ ބަތިލްކޮށްލާ ތަހްދީދުތަކަށް ތަހުޤީޤީ ބިރެއް ހިންގުުމުގެ ހައްޤް ކަމާބެހޭ ފަރާތްތަކަށް ލިބިގެންވާ ކަމަށެވެ.
ހަޤީޤީ ނޫސްވެރިކަމުގެ މިނިވަންކަން ދެމިއޮންނާނީ ޒިންމާދާރު ކަމާ އެކުގައި ކަމަށާއި، ދިވެހި ރައްޔިތުުން ބޭނުންވަނީ ތެދު މަޢުލޫމާތު ފޯރުުކޮށްދޭ ޒިންމާދާރު ނޫސްވެރިކަމެއް ކަމަށް ވަޒީރު ވިދާޅުުވި އެވެ.
