އެންޓާޓިކާ ކައިރީގައި އޮންނަ ފަޅު ރަށަކުން އެމެރިކާ މުދާ އެތެރެކުރާ ކަމަށް ހީކޮށް އެމެރިކާގެ ރައީސް ޑޮނަލްޑް ޓްރަމް ޑިއުޓީ ބޮޑުކޮށްފި އެވެ.
އެހެން ގައުމުތަކުން އެމެރިކާއަށް އެތެރެކުރާ މުދަލުން ޑިއުޓީ ބޮޑުކުރުމަކީ ޓްރަމްޕުގެ ރިޔާސީ ވައުދެކެވެ. އެ ވައުދު ފުއްދުމުގެ ގޮތުން ވައިޓްހައުސްގައި ބޭއްވި ރަސްމިއްޔާތެއްގައި ޓްރަމްޕު ވަނީ އެކްޒެކެޓިވް އޯޑަރުގައި ސޮއިކޮށްފަ އެވެ.
އެމެރިކާއަށް އެތެރެކުރާ މުދަލުން ނަގާ ޑިއުޓީ ބޮޑުކުރި ތަންތަނުގެ ލިސްޓުގައި އެންޓާކްޓިކާ ކައިރީގައި އޮންނަ އަލިފާން ފަރުބަނދަތައް ހިމެނޭ ފަޅު ރަށްތައްވެސް ހިމަނާފައިވާތީ ގިނަ ބަޔަކު އެކަމަށް ޖޯކު ޖަހަން ފަށައިފި އެވެ. އެ އޯޑަރުގައިވާ ގޮތުން މާދަމާ އިން ފެށިގެން އެމެރިކާއަށް ބޭރުގެ ހުރިހާ ގައުމަކުން އެތެރެކުރާ މުދަލުން މަދުވެގެން 10 ޕަސެންޓުން ޑިއުޓީ ބޮޑުވާނެ އެވެ.
އެ ގައުމުތަކުގެ ތެރޭގައި ޓްރަމްޕު ވަނީ ހާޑް އައިލެންޑާއި މެޑޮނަލްޑް އައިލެންޑްސް ވެސް ހިމެނައިފަ އެވެ. މީ ދުނިޔޭގެ އެންމެ އެކަހެރި އަދި މީހުން ދިރިނޫޅޭ އެންޓާޓިކާ ކައިރީގައި އޮންނަ އަލިފާން ފަރުބަދަ ސަރަހައްދެކެވެ. އެ ދެ ސަރަހައްދަށް އޮސްޓްރޭލިއާގެ ހުޅަނގު އައްސޭރީގައި އޮންނަ ޕާތް އިން ބޯޓެއްގައި ފުރައިގެން ދެވެނީ ހަފުތާގެ ދަތުރެއްކޮށްފަ އެވެ.
އެ ދެ ފަޅު ރަށްވެސް އެކްޒެކެޓިވް އޯޑަރުގައި ޓްރަމްޕު ހިމަނާފައިވަނީ އޮސްޓްރޭލިއާގެ ބޮޑުވަޒީރު ވިދާޅުވީ ޓްރަމްޕުގެ ސަބަބުން މިހާރު ދުނިޔޭގެ އެއްވެސް ތަނެއް ރައްކާތެރި ނޫން ކަމަށެވެ.
