އިއްޔެ އާއި ރޭ މާލެ ސަރަހައްދަށް ކުރަމުންދިޔަ ވިއްސާރައިގެ ސަބަބުން ފެންބޮޑުވެ، މާލެ ސަރަހައްދުގައި ހުރި ސަރުކާރުގެ މައި ހޮސްޕިޓަލު ތަކުގެ އޯޕީޑީ މިއަދު ބަންދު ކޮށްފިއެވެ.
އޯޕީޑީ ބަންދު ކުރީ ސަރުކާރުގެ މައި ހޮސްޕިޓަލު ކަމުގައިވާ އައިޖީއެމްއެޗާއި ދަރުމަވަންތަ ހޮސްޕިޓަލާއި ހުޅުމާލޭ ހޮސްޕިޓަލުގެ އިތުރުން ވިލިމާލޭ ހޮސްޕިޓަލެވެ. އެހެން ކަމުން މިއަދު އެ ހޮސްޕިޓަލު ތަކުން އޯޕީޑީގެ ޚިދުމަތް ނުލިބޭނެއެވެ.
އޯޕީޑީގެ ޚިދުމަތް މިއަދު އެ ހޮސްޕިޓަލު ތަކުން ނުލިބުނު ނަމަވެސް އައިޕީޑީގެ ޚިދުމަތް ލިބޭނެ ކަމަށް މައުލޫމާތު ލިބިފައިވެއެވެ.
މި ހޮސްޕިޓަލުތަކުގެ އޯޕީޑީ މިއަދު ބަންދު ކޮށްފައިވާއިރު އައިޖީއެމްއެޗް ސަރަހައްދުގައި މިވަގުތު ފެންގަނޑު އޮތް ނަމަވެސް، ދަރުމަވަންތަ ހޮސްޕިޓަލާއި ހުޅުމާލޭ ހޮސްޕިޓަލު ކައިރީގައި ހެދުނު ފެންގަނޑު މިހާރު ވަނީ ވަރަށް ބޮޑަށް ހިނދިފައެވެ.
