އެމްޑީޕީގެ ހަރުގެއަށް ބަޔަކު ކަޅުތެޔޮ ޖަހައި، ގެއްލުން ދީފި އެވެ.
ފުލުހުން މިއަދު ބުނީ ޗާންދަނީމަގުގައި ހުންނަ އެމްޑީޕީގެ ދަނޑިކޮށި ޖަގަހައަށް ކަޅުތެޔޮ ޖަހާފައިވާ މައްސަލަ ރޭ 00:59 އެއްގައި ފުލުހަށް ރިޕޯޓް ކޮށްފައިވާ ކަމަށެވެ.
އެ ޖަގަހައަށް ކަޅުތޮޔެ ޖެހިއިރު ޕީއެންސީއަށް މެންބަރުން އިތުރު ކުރަން ވަގު ފޯމްތަކެއް ހުށަހަޅާފައިވާ މައްސަލާގައި އެމްޑީޕީން ވަނީ އެކަން ކުރި ކަމަށް ތުހުމަތުވާ މީހުންގެ ފޮޓޯ ޖަގަހައިގެ ގޭޓުގައި ހަރުކޮށްފައެވެ.
ޕާޓީތަކުގެ މެދުގައި ހިނގާ އެފަދަ ކަންކަމާ ގުޅިގެން ކަޅުތެޔޮ ޖެހުމަކީ ރާއްޖޭގައި ވަރަށް އާންމު ކަމެކެވެ.
