ގަވައިދާހިލާފަށް ބާރުބޮޑު މަގުތަކުގައި ޕާކުކުރާ އުޅަނދުތައް ޓޯކުރުމުގެ މަސައްކަތް ފުލުހުން ފަށައިފި

ގަވައިދާހިލާފަށް ބާރުބޮޑު މަގުތަކުގައި ޕާކުކުރާ އުޅަނދުތައް ޓޯކުރުމުގެ މަސައްކަތް ފުލުހުން ފަށައިފި

މާލެގެ ބޮޑެތި އަދި ބާރުބޮޑު މަގުތަކުގައި ގަވާއިދާހިލާފަށް ޕާކުކުރާ އުޅަނދުތައް ޓޯކުރާނެ ކަމަށް ފުލުހުން ބުނެފި އެވެ.

ފުލުހުން މިރޭ ނެރުނު ނޫސްބަޔާނެއްގައި ބުނީ މަގުތަކުގައި ހިނގާބިނގާވެ އުޅޭ މީހުންނާއި އެއްގަމު އުޅަނދުތަކަށް، ހާއްސަކޮށް ބަހާއި އިމަޖެންސީގައި ދުއްވާ އުޅަނދުތަކަށް ދަތިވާގޮތަށް ގަވާއިދާ ހިލާފަށް ބައެއް ފަރާތްތަކުން އުޅަނދު ޕާކްކުރަމުންދާ ކަމަށެވެ.

ގަވައިދާ ހިލާފަށް ޕާކު ކުރުމުން ޓޯ ކުރާނެ މަގުތައް:

– ބޮޑުތަކުރުފާނު މަގު

– މަޖީދީ މަގު

– އަމީނީ މަގު

– ސޯސަން މަގު

– އޯކިޑު މަގު

– އަމީރު އަހުމަދު މަގު

ނުގަވައިދުން ޕާކު ކުރާ މައްސަލަ ބޮއްސުންލައި މިދިޔަ މާޗް މަހު ވެސް ޕޮލިހުން ވަނީ އުޅަނދުތައް ޓޯ ކުރަން ފަށައިފަ އެވެ.

އެންގުންތަކާ ހިލާފުވާ ފަރާތްތަކަށް ފިޔަވަޅި އަޅަނީ އެއްގަމު ދަތުރުފަތުރުގެ ގާނޫނާއި އެއްގަމު އުޅަނދު ޕާކްކުރުމުގެ ގަވާއިދުގެ ދަށުންނެވެ.

އެ ގާނޫނުގެ ހަތް ވަނަ މާއްދާގެ ނ. ގައިވާ ގޮތުން އެއްގަމު އުޅަނދެއް ގަވާއިދާ ހިލާފަށް ޕާކުކުރުމުގެ ސަބަބުން އުޅަނދުގެ ވެރިފަރާތް ޖޫރިމަނާކުރުމުގެ އިތުރުން، ގަވާއިދާ ހިލާފަށް އުޅަނދު ޕާކުކުރި ފަރާތެއްގެ ލައިސަންސުން ޕޮއިންޓް އުނިކުރުމުގެ އިހްތިޔާރު ޓްރާންސްޕޯޓު މިނިސްޓްރީއަށް ނުވަތަ މިނިސްޓްރީން ކަނޑައަޅާ ފަރާތަކަށް ލިބިގެންވެ އެވެ.

އަދި އެ މީހާގެ ހާއްސަ އުޅަނދުތައް ފިޔަވައި އެނޫން އުޅަނދުތައް، އެތަނުން ނަގައި އެހެން ތަނަކަށް ގެންދިއުމުގެ ބާރު ވެސް ފުލުހުންނަށް ލިބެ އެވެ.

އެއްގަމު އުޅަނދު ޕާކްކުރުމުގެ 14 ވަނަ މާއްދާގެ ށ. ގައި ބުނީ ގަވައިދާ ހިލާފަށް ޕާކުކުރުމުގެ ސަބަބުން އުޅަނދެއްގައި ޕާކިން ވަޔަލޭޝަން ސްޓިކާ ޖަހާ ހާލަތްތައް ފިޔަވައި، އެ ގަވާއިދާ ހިލާފުވާ މީހުން 750ރ. އިން ޖޫރިމަނާކުރާނެ ކަމަށެވެ.

ހިޔާލުފާޅު ކުރައްވާ!

Leave a Reply

Your email address will not be published. Required fields are marked *