އަޒަރްބައިޖާނަށް ދަތުރުކުރާ ދިވެހިންނަށް އޮން އެރައިވަލް ވިސާ ދިނުމުގެ ކަންކަން ހަމަޖެއްސުމުގެ ކަންކަން ކުރުމާ ގުޅޭ އެއްބަސްވުމެއްގައި ރާއްޖެއާއި އަޒަރްބައިޖާންއާ ދެމެދު އެއްބަސްވުމެއްގައި މިއަދު ސޮއިކޮށްފި އެވެ.
އަޒަރުބައިޖާންގެ ވެރިރަށް ބާކޫގައި ކުރިއަށްދާ ކޮންފެރެންސް އޮފް ދަ ޕާރޓީސް އޮފް ދަ ޔޫއެންއެފްސީސީސީގެ ހަވާސާގައި ރާއްޖޭގެ ފޮރިން މިނިސްޓަރު ޑރ. އަބްދުﷲ ހަލީލް ވަނީ އަޒަރުބައިޖާންގެ ހާރިޖީ ވަޒީރު ޖޭހުން ބައިރަމޯވް އާ ބައްދަލު ކުރައްވައިފަ އެވެ. އެ ބައްދަލުވުމަށްފަހު ރާއްޖެއާއި އަޒަރަބައިޖާންއާ ދެމެދު ވަނީ ދެ އެއްބަސްވުމެއްގައި ސޮއިކޮށްފަ އެވެ.
ރާއްޖޭގެ ފަރާތުން އެ އެއްބަސްވުމުގައި ސޮއިކުރެއްވީ ފޮރިން މިނިސްޓަރު ޑރ. އަބްދުﷲ ހަލީލެވެ. އަޒަރުބައިޖާންގެ ފަރާތުން އެއްބަސްވުމުގައި ސޮއިކުރެއްވީ އެ ގައުމުގެ ފޮރިން މިނިސްޓަރު ޖޭހުން ބައިރަމޯވްއާއެކުއެވެ.
ފޮރިން މިނިސްޓްރީން މިރޭ ބުނީ ދެގައުމުގެ މެދުގައި ސޮއިކުރި އެއްބަސްވުންތަކަކީ ”އެގްރީމެންޓް އޮން މިއުޗުއަލް އެގްޒެމްޕްޝަން އޮފް ވިސާ ރިކުއާމަންޓް ފޯ ހޯލްޑާސް އޮފް ޑިޕްލޮމެޓިކް، ސާވިސް އެންޑް އޮފިޝަލް ޕާސްޕޯޓްސް ބިޓްވީން ދަ ގަވަންމެންޓް އޮފް މޯލްޑިވްސް އެންޑް ދަ ގަވަންމެންޓް އޮފް އަޒެރްބައިޖާން“ އާއި ”މެމޮރަންޑަމް އޮފް އަންޑަރސްޓޭންޑިން (އެމްއޯޔޫ) އޮން ކޯޕަރޭޝަން އިން ދަ ފީލްޑް އޮފް ޓުއަރިޒަމް ބިޓްވީން ދަ ގަވަންމެންޓް އޮފް ދަ މޯލްޑިވްސް އެންޑް ދަ ގަވަރންމެންޓް އޮފް އަޒެރްބައިޖާން“ ކަމަށެވެ.
”އެގްރީމެންޓް އޮން މިއުޗުއަލް އެގްޒެމްޕްޝަން އޮފް ވިސާ ރިކުއާމަންޓް ފޯ ހޯލްޑާސް އޮފް ޑިޕްލޮމެޓިކް، ސާވިސް އެންޑް އޮފިޝަލް ޕާސްޕޯޓްސް ބިޓްވީން ދަ ގަވަންމެންޓް އޮފް މޯލްޑިވްސް އެންޑް ދަ ގަވަންމެންޓް އޮފް އަޒެރްބައިޖާން“ އެއްބަސްވުމުގެ ދަށުން ރާއްޖޭގެ ޑިޕްލޮމެޓިކް އަދި އޮފިޝަލް ޕާސްޕޯޓް ބޭނުންކުރައްވާ ފަރާތްތަކަށް ވިސާއާއި ނުލައި އަޒަރުބައިޖާން އެތެރެވުމާއި، ޓްރާންސިޓް ވުން އަދި 90 ދުވަހުގެ މުއްދަތަކަށް އެގައުމުގައި ހުރުމުގެ ހުއްދަ ލިބިގެންދާނެ ކަމަށް ފޮރިން މިނިސްޓްރީން ބުންޏެވެ. އެ އެއްބަސްވުމަކީ ހުރިހާ ދިވެހިރައްޔިތުންނަށް ވިސާއަކާ ނުލައި ދަތުރުކުރެވޭނެ ގޮތް މަގުފަހިކޮށްދިނުމަށްޓަކައި ކުރާ މަސައްކަތަށް އެޅިގެންދިޔަ މުހިއްމު ފިޔަވަޅެއް ކަމަށާއި އެގޮތުން އެކަމާގުޅޭ މަޝްވަރާތައް ކުރިއަށްގެންދިއުމަށް ދެގައުމުން އެއްބަސްވެފައިވާ ކަމަށް ފޮރިން މިނިސްޓްރީން ބުންޏެވެ.
”މެމޮރަންޑަމް އޮފް އަންޑަރސްޓޭންޑިން (އެމްއޯޔޫ) އޮން ކޯޕަރޭޝަން އިން ދަ ފީލްޑް އޮފް ޓުއަރިޒަމް ބިޓްވީން ދަ ގަވަންމެންޓް އޮފް ދަ މޯލްޑިވްސް އެންޑް ދަ ގަވަރންމެންޓް އޮފް އަޒެރްބައިޖާން“ އެއްބަސްވުމަކީއިގްތިސޯދީ، ސަގާފީ އަދި އިޖްތިމާއީ ގޮތުން ދެ ގައުމަށް ވެސް ފައިދާވާނޭ ގޮތަށް ފަތުރުވެރިކަން ކުރިއެރުވުމުގެ މަގުސަދުގައި ސޮއިކުރި އެއްބަސްވުމެއް ކަމަށް މިނިސްޓްރީން ބުންޏެވެ.
