ފުވައްމުލަކު ސިޓީން ގެއްލިގެން ހޯދަމުންދިޔަ ީ އެ ރަށު މިސްކިތްމަގު، މާކޯނި، އިޒްޔާން ހުޝާމް މުހައްމަދު 4އ މީހުން ދިރިނޫޅޭ ފުލެޓެއްގެ ތެރެއިގައި ތަޅުލެވިފައި ހުއްޓާ ފެނިއްޖެ އެވެ.
އިޒްޔާން ގެއްލިގެން ހޯދަން ފަށައިފައިވަނީ މިއަދު ހަވީރު 4:15 އެހާކަންހާއިރު އެވެ.
އެ ރަށުން ވާހަކަ ދެއްކި މީހަކު ބުނީ އިޒްޔާން ފެނިފައިވަނީ އެ ރަށުގެ ދިގުވާޑު އަވަށުގައި ހުންނަ ފުލެޓް ބަރީގެ ފުލެޓަކުން ކަމަށެވެ. އެއީ ގެއްލުނު ކުއްޖާ ވެސް ދިރިއުޅެމުންދާ ފުލެޓް ބަރު ކަމަށް އޭނާ ކިޔައިދިނެވެ.
އިޒްޔާން އެންމެފަހުން ގޮސްފައިވަނީ ފުލެޓް ބަރި ކައިރީގައި ހުންނަ ކުރިކެޓް ސްޓޭޑިއަމަށް ކުޅެން ކަމަށާއި އެއީ އެ ފުލެޓް ބަރީގެ ކުދިންނާއި ދިގުވާޑު އަވަށު ކުދިން އާންމުކޮށް ކޮންމެ ދުވަހަކު ވެސް ކުޅެންދާ ތަނެކެވެ.
"ހުރިހާ ކުދިން ކުޅެން ތިއްބާ އިޒްޔާނަށް ވީނުވީ ނޭނގިގެން ހޯދަން ފެށީ. އެ ކުއްޖާ ފެނުނީ މީހުން ނުޅޭ ފުލެޓެއްގައި ރޯން ހުއްޓާ، އެއްވެސް ކަހަލަ އަނިޔާއެއް ވެފައި" އޭނާ ކިޔައިދެނެވެ.
ފުލެޓް ކުއްޖާ ނެރުނީ ފުލުހުން ކަމަށާއި ފުލުހުން ވަނީ އެ ކުއްޖާ ފުވައްމުލަކު ސިޓީ ހޮސްޕިޓަލަށް ގެންގޮސްފައި ކަމަށް އޭނާ ބުންޏެވެ.
